Read Time:2 Minute, 14 Second
ލިވަޕޫލްގެ ފޯވަޑް މުހައްމަދު ސަލާހް އެޓީމުގައި ކުރިމަގުގައި ކުޅޭނެކަން ކޯޗު އާނޭ ސްލޮޓަށް ޔަގީނެއް ނޫން ކަމަށް ބުނެފިއެވެ. ސަލާހް ދިން އިންޓަވިއުއަކާ ގުޅިގެން ޗެމްޕިއަންސް ލީގުގައި އިންޓަމިލާނާ ދެކޮޅަށް ކުޅުނު މެޗުގައި އޭނާ ޓީމުން ބާކީ ކުރުމަށްފަހު ވާހަކަ ދައްކަމުން ސްލޮޓް ބުނީ، ސަލާހްގެ ވާހަކަތައް ގަބޫލުނުކުރާ ކަމަށާއި، ކުޅުންތެރިޔާގެ އަމަލާ ގުޅިގެން ފިޔަވަޅު އެޅި ކަމަށެވެ. އަދި، މިހާލަތުގައި އޭނާ ޓީމަށް ނުނެގުން އެންމެ ރަނގަޅު ކަމަށް ވެސް ސްލޮޓް ފާހަގަކުރިއެވެ.
ލިވަޕޫލްގެ ގޯލްކީޕަރު އަލިސަން ބެކާ ބުނީ، މިކަމުގެ ސަބަބުން ޓީމު ތެރޭގައި ދެބަސްވުންތަކެއް އޮވެދާނެ ކަމަށާއި، ނަމަވެސް ކޯޗަށް ކުޅުންތެރިންގެ އިތުބާރު އެބައޮތް ކަމަށެވެ. އޭނާ އިތުރަށް ބުނީ، ޔާގެން ކްލޮޕަށް ފަހު ސްލޮޓް ކޯޗަކަށް އަންނަން އުޅުނުއިރު ތަފާތު ވިސްނުންތައް ހުރި ނަމަވެސް، މިދިޔަ ސީޒަންގައި ޕްރެމިއާ ލީގު ކާމިޔާބު ކުރުމާއެކު ސްލޮޓަކީ އެންމެން ގަބޫލުކުރާ ކޯޗެއް ކަމަށެވެ. އިނގިރޭސި މީޑިއާ ރިޕޯޓްތައް ބުނާ ގޮތުގައި މި މެޗުގެ ކުރިން ސްލޮޓަށް ކުރިމަތިވި ސުވާލުތަކަކީ އޭނާގެ ހަޔާތުގައި ވެސް ދުވަހަކު ވެސް ކުރިމަތިވި އެންމެ އުނދަގޫ ސުވާލުތަކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0