Read Time:1 Minute, 59 Second
(ފޮޓޯ ކްރެޑިޓްސް: ކަގި މޯލްޑިވްސް ރިސޯޓްސް)
ފަތުރުވެރިކަމާ ބެހޭ ވުޒާރާގެ ތަފާސްހިސާބުތަކުން ދައްކާގޮތުން މިމަހުގެ 6 ވަނަ ދުވަހާ ހަމައަށް ރާއްޖެއަށް 2,059,962 ފަތުރުވެރިން ވަނީ ޒިޔާރަތްކޮށްފައެވެ. މިއީ މިދިޔަ އަހަރުގެ މި މުއްދަތާއި އަޅާބަލާއިރު 10.1 އިންސައްތައިގެ ކުރިއެރުމެކެވެ. ރާއްޖެއައި ފަތުރުވެރިންގެ ތެރެއިން 1.5 މިލިޔަނަށްވުރެ ގިނަ ފަތުރުވެރިން (73.6 އިންސައްތަ) ޗުއްޓީ ހޭދަކޮށްފައިވަނީ ރިސޯޓްތަކުގައެވެ. ގެސްޓްހައުސްތަކުގައި 4 ލައްކައަށްވުރެ ގިނަ ފަތުރުވެރިން ޗުއްޓީ ހޭދަކޮށްފައިވާއިރު، ހޮޓެލްތަކުގައި 53,000 އަށްވުރެ ގިނަ ފަތުރުވެރިން ވަނީ ތިބެފައެވެ.
މިހާތަނަށް ރާއްޖެއަށް އެންމެ ގިނަ ފަތުރުވެރިން އައި 5 ޤައުމަކީ ޗައިނާ، ރަޝިއާ، އިނގިރޭސިވިލާތް، ޖަރުމަނުވިލާތް އަދި އިޓަލީވިލާތެވެ. މި ކޮންމެ ޤައުމަކުންވެސް 1 ލައްކައަށްވުރެ ގިނަ ފަތުރުވެރިން ވަނީ ރާއްޖެއަށް ޒިޔާރަތްކޮށްފައެވެ. މިވަގުތު ރާއްޖޭގައި 1313 ފަތުރުވެރިކަމުގެ ތަން ހިންގަމުންދާއިރު، އެތަންތަނުގައި 66,805 އެނދު އެބަހުއްޓެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0