Read Time:2 Minute, 42 Second
(ފޮޓޯ ކްރެޑިޓްސް: ރައީސް އޮފީސް)
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެފައިވަނީ، ޖުޑީޝަލް ސާވިސް ކޮމިޝަންގެ އެކުލެވުން ބަދަލުކުރުމުން، ޝަރުޢީ ދާއިރާ ހަޤީޤީ މާނައިގައި މިނިވަންކަމާއެކު މަސައްކަތް ކުރާތަން ފެނިގެންދާނެ ކަމަށެވެ. އެމަނިކުފާނު މިހެން ވިދާޅުވީ ހެންވޭރުގެ ރައްޔިތުންނާއި ބައްދަލުކުރައްވައި ޝަރުޢީ ދާއިރާ ހަރުދަނާކުރުމަށް ސަރުކާރުން ކުރަމުންދާ މަސައްކަތްތަކުގެ މައުލޫމާތު ދެއްވަމުންނެވެ. އެމަނިކުފާނު ވަނީ އަދުލު އިންސާފުގެ ދާއިރާއަށް ނުފޫޒު ނުފޯރުއްވާކަމަށާއި، ބަދަލުހިފުމުގެ ރޫޙުގައި ސިޔާސީ އޮއިވަރުގެ ތެރެއިން އަނިޔާވެރި ޢަމަލުތަކަށް ޖާގަ ނުދެއްވާނެ ކަމަށް ތަކުރާރުކުރައްވާފައެވެ.
މަސްތުވާތަކެއްޗާ ދެކޮޅަށް ފިޔަވަޅު އަޅަމުންދާތަން ފެނުމަކީ ޝަރުޢީ ދާއިރާގެ މިނިވަންކަން ސާބިތުކޮށްދޭ ހެއްކެއް ކަމަށް ރައީސް ވިދާޅުވިއެވެ. ޖުޑީޝަރީ މިނިވަންކުރުމަށް ކުރަންޖެހޭ މަސައްކަތްތައް ވަކި ތަރުތީބެއްގެ ތެރެއިން ކުރިއަށް ގެންދަވާނެ ކަމަށާއި، އެގޮތުން ޖޭއެސްސީގެ ކޮމްޕޮޒިޝަނަށް ބަދަލު ގެނައުމަށް ޤާނޫނީ އިސްލާޙު ހުށަހަޅުއްވާނެކަމަށް އެމަނިކުފާނު ވަނީ ޔަގީންކަން ދެއްވާފައެވެ. މީގެ އިތުރުން ޝަރުޢީ ދާއިރާގެ މިނިވަންކަން ކަށަވަރު ކުރުމަށްޓަކައި މުވައްޒަފުންގެ މުސާރަ އިތުރުކުރުމާއި، އަންނަ އަހަރުގެ ބަޖެޓުގައި މިދާއިރާއަށް ޚާއްސަ ބަޖެޓެއް ހިމަނާފައިވާކަންވެސް ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0