Read Time:3 Minute, 15 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ، ކުރީ ސަރުކާރުން ހިޔާ ފްލެޓު ނުލިބޭނެކަމަށް ނިންމި ފަރާތްތަކަށް، މި ސަރުކާރުން ހިންގާ ފުރަތަމަ ސޯޝަލް ހައުސިން ސްކީމްގެ ތެރެއިން ފްލެޓު ލިބޭނެކަމުގެ ޔަގީންކަން ދެއްވާފައެވެ. އެފަރާތްތަކަށް ވަކި ކެޓަގަރީއެއް ކަނޑައަޅާފައިވާއިރު، ބީއެމްއެލް ފައިނޭންސް އަދި އިންޑިއާގެ ލައިން އޮފް ކްރެޑިޓްގެ ދަށުން ހިމެނޭ 7500 ފްލެޓުގެ މަޝްރޫޢުތަކުން ފްލެޓު ލިބޭނެއެވެ. އެފަރާތްތަކުން ހުށަހަޅަން ޖެހޭނީ ހަމައެކަނި އެޕްލިކޭޝަނެއް ކަމަށާއި އިތުރު ލިޔުމެއް ބޭނުންނުވާނެ ކަމަށް ރައީސް ވިދާޅުވިއެވެ. އެއްފަހަރާ އެންމެނަށް އެއް ޕްރޮޖެކްޓަކުން ފްލެޓު ނުލިބުނު ނަމަވެސް، ކެޓަގަރީތަކުގެ ދަށުން ފްލެޓު ލިބޭނެކަން ރައީސް ފާހަގަކުރެއްވިއެވެ.
ރައީސް ވިދާޅުވި ގޮތުގައި ހުޅުމާލެ 3 ވަނަ ފިޔަވަހި ހިއްކުމުގެ މަސައްކަތް މި މަހުގެ ނިޔަލަށް ނިމި، އަންނަ ޖެނުއަރީ މަހު އެ ބިމުން ގޯތި ދޫކުރުމާއި ރަޖިސްޓްރީ ކުރުމުގެ މަސައްކަތް ފެށޭނެއެވެ. މި ސަރުކާރުން އެއްވެސް ފަރާތެއްގެ ގޯއްޗެއް އަތުނުލާނެކަމުގެ ޔަގީންކަން ދެއްވިއިރު، ގުޅިފަޅުން ގޯތި ލިބުނު ފަރާތްތަކަށް ރަޖިސްޓްރީ ހަވާލުކުރުމުގެ މަސައްކަތް ކުރިއަށްދާ ކަމަށާއި އެއްވެސް ފުރުސަތެއް ކެންސަލް ނުކުރާނެ ކަމަށް ވިދާޅުވިއެވެ. ހުޅުމާލެ 3 ވަނަ ފިޔަވަހި ހިއްކާ ނިމުމުން، 2 ޑްރެޖަރ ބޭނުންކޮށްގެން 3 މަސް ދުވަހުގެ ތެރޭގައި ގިރާވަރު ފަޅު ހިއްކާ ނިންމާލެވޭނެ ކަމަށާއި، ބިން ހިއްކާ ނިމުމާއެކު އެތަނުން ގޯތި ދޫކުރުމުގެ މަސައްކަތް ފަށާނެ ކަމަށްވެސް ރައީސް ވިދާޅުވިއެވެ. ހިއްކާ ބިންތަކުގައި ޔުޓިލިޓީގެ ޚިދުމަތްތައް ދިނުމަށް ބަޖެޓުގައި ހިމަނާފައިވާކަމަށް ރައީސް ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0