Read Time:2 Minute, 17 Second
(ފޮޓޯ ކްރެޑިޓްސް: ޕީޢެސްއެމް ނިއުސް)
އެފްއޭއެމް ވިމެންސް ލީގު 2025 ގައި، ހެންވޭރު ދަނޑުގައި އިއްޔެ ހަވީރު ކުޅުނު މެޗު ނިއު ރޭޑިއަންޓް ސްޕޯޓްސް ކުލަބުން ބިސް ބުރު ސްޕޯޓްސް ކުލަބު ބޮޑު ތަފާތަކުން ބަލިކޮށްފިއެވެ. މި މެޗު ނިއު ރޭޑިއަންޓުން ކާމިޔާބުކުރީ 6-0 ގެ ނަތީޖާއަކުންނެވެ. މުޅި މެޗު ނިއު ރޭޑިއަންޓުން ޑޮމިނޭޓުކުރިއިރު، ބިސް ބުރަށް އެއްވެސް ހަމަލާއެއް އުފެއްދިފައެއް ނުވެއެވެ. ނިއު ރޭޑިއަންޓުގެ ލަނޑުތައް ކާމިޔާބުކޮށްދިނީ މަރިޔަމް ނޫރާ، މައީޝާ އަބްދުލް ހަންނާން (ދެ ލަނޑު)، ފާތިމަތު ފައިހާ އަލީ ހަސަން (ދެ ލަނޑު) އަދި ކެޕްޓަން ފަދުވާ ޒާހިރެވެ. ދެވަނަ ހާފުގައި ނިއު ރޭޑިއަންޓަށް ލިބުނު ޕެނަލްޓީއެއް ބިސް ބުރުގެ ގޯލްކީޕަރު ހައްވާ ޝުފައިހާ ވަނީ ދިފާއުކޮށްފައެވެ.
މި މޮޅާއެކު ނިއު ރޭޑިއަންޓް ވަނީ ތާވަލުގެ ތިންވަނައަށް ކުރިއަށް ޖެހިލާފައެވެ. އެ ޓީމު އޮޑި ސްޕޯޓްސް ކުލަބާއި، ވިކްޓަރީ ސްޕޯޓްސް ކުލަބު އަދި މާޒިޔާ ސްޕޯޓްސް އެންޑް ރެކްރިއޭޝަނާއެކު ދެ މެޗުން ހަތަރު ޕޮއިންޓް ހޯދައިގެން އެއްވަރެވެ. ބިސް ބުރު ކުލަބާއި ޓީސީ ސްޕޯޓްސް ކުލަބަށް އަދި ޕޮއިންޓެއް ލިބިފައެއް ނުވެއެވެ. ލީގުގެ ދެން އޮންނަ މެޗުގައި އަންނަ ބުދަ ދުވަހު ބައްދަލުކުރާނީ ބިސް ބުރާއި އޮޑި ސްޕޯޓްސްއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0