Read Time:2 Minute, 37 Second
އަންނަ އަހަރަށް ފާސްކޮށްފައިވާ ދައުލަތުގެ ބަޖެޓުން ސިޔާސީ ޕާޓީތަކަށް ފައިސާ ލިބުމުގެ ޝަރުތު ހަމަވަނީ 4 ޕާޓީއަކަށެވެ. އިލެކްޝަންސް ކޮމިޝަނުން އާންމުކޮށްފައިވާ މައުލޫމާތުތަކަށް ބަލާއިރު، ބަޖެޓް ފާސްކުރި ދުވަސްކަމަށްވާ ނޮވެންބަރު 25 ވަނަ ދުވަހުގެ ނިޔަލަށް 10،000 މެންބަރުން ހަމަވެފައިވަނީ އެމްޑީޕީ، ޖުމްހޫރީ ޕާޓީ، އެމްޑީއޭ އަދި ޕީއެންސީގައެވެ.
މިއަހަރުގެ ބަޖެޓުން 5 ސިޔާސީ ޕާޓީއަކަށް ފައިސާ ދޫކުރި ނަމަވެސް، ޤާނޫނުގައި ބުނާ އަދަދަށް މެންބަރުން ހަމަނުވުމުން އަންނަ އަހަރު ފައިސާ ލިބޭ ލިސްޓުން އަދާލަތު ޕާޓީ އުނިވާނެއެވެ. މިއަހަރު އެންމެ ގިނައިން ފައިސާ ލިބިފައިވަނީ ވެރިކަންކުރާ ޕީއެންސީއަށް ކަމަށްވާއިރު، ދެވަނައަށް އެމްޑީޕީއަށެވެ. ޖޫން މަހުގެ ނިޔަލަށް 10،000 މެންބަރުން ތިބީ 3 ޕާޓީއެއްގައި ނަމަވެސް، ބަޖެޓް ފާސްކުރި ތާރީޚާ ހަމައަށް މި އަދަދު 4 އަށް އިތުރުވެފައިވެއެވެ.
ސިޔާސީ ޕާޓީތަކުގެ ޤާނޫނުގައި ބަޔާންކޮށްފައިވާ ގޮތުން، ކޮންމެ އަހަރަކުވެސް ދައުލަތުގެ ބަޖެޓުގެ 0.01 އިންސައްތަ 10،000 މެންބަރުން ހަމަވާ ޕާޓީތަކަށް ދޫކުރެއެވެ. މިވަގުތު ސިޔާސީ ޕާޓީތަކުގެ ދަފްތަރުގައި 9 ޕާޓީ ހިމެނޭއިރު، އޭގެ ތެރެއިން ގިނަ ޕާޓީތަކުގެ މެންބަރުން 10،000 އަށް ނުވާކަން ފާހަގަކުރެވެއެވެ. ހަމައެހެންމެ، މޯލްޑިވްސް ލޭބަރ އެންޑް ސޯޝަލް ޑިމޮކްރަޓިކް ޕާޓީގައި ޤާނޫނުގައި ބުނާ 3000 މެންބަރުން ވެސް ހަމައެއް ނުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0