Read Time:2 Minute, 38 Second
(ފޮޓޯ ކްރެޑިޓްސް: ރައީސް އޮފީސް)
ސައުދީ އަރަބިއްޔާގެ ވިޔަފާރިވެރިންގެ ވަފްދަކުން ރައީސް ޑރ. މުހައްމަދު މުއިއްޒުއާ ބައްދަލުކުރައްވައި، ދެ ގައުމުގެ ވިޔަފާރީގެ ގުޅުން ހަރުދަނާކޮށް، އިންވެސްޓްމަންޓްގެ ފުރުސަތުތައް ފުޅާކުރުމާ ބެހޭގޮތުން މަޝްވަރާކުރައްވައިފިއެވެ. މިއީ ރައީސް މުއިއްޒު މިއަހަރުގެ ކުރީކޮޅު ސައުދީއަށް ކުރެއްވި ދަތުރުފުޅުގައި އެ ގައުމުގެ ވަލީއަހުދު މުހައްމަދު ބިން ސަލްމާންއާ ކުރެއްވި މަޝްވަރާތަކާ ގުޅިގެން ބޭއްވި ބައްދަލުވުމެކެވެ.
(ފޮޓޯ ކްރެޑިޓްސް: ރައީސް އޮފީސް)
މި ބައްދަލުވުމުގައި ދެ ގައުމުގެ އިގްތިސާދީ، އަމިއްލަ ވިޔަފާރި، ދަނޑުވެރިކަން، މަސްވެރިކަން، އާޓިފިޝަލް އިންޓެލިޖެންސް، އަދި އިންފޮމޭޝަން ޓެކްނޮލޮޖީ ފަދަ ދާއިރާތަކުން ގުޅުން ބަދަހިކުރުމަށް ވަނީ މަޝްވަރާކުރެވިފައެވެ. ރައީސް މުއިއްޒު ވަނީ ވެލާނާ އިންޓަނޭޝަނަލް އެއާޕޯޓް ތަރައްގީކުރުމަށް ސައުދީ ސަރުކާރުން ދެއްވި އެހީތެރިކަމާއި، އެއާޕޯޓްގެ އާ ޓާމިނަލް ހުޅުވުމަށް މަތީ ފެންވަރުގެ ވަފްދެއް ފޮނުއްވުމަށްޓަކައި ޝުކުރު އަދާކުރައްވާފައެވެ. ސައުދީ ވަފްދުން ދިވެހި ސަރުކާރުގެ އިސް ފަރާތްތަކާއެކު އިތުރު މަޝްވަރާތައް ކުރިއަށްގެންދާނެއެވެ. ސައުދީއަކީ ރާއްޖޭގެ ތަރައްގީގައި މުހިންމު ދައުރެއް އަދާކުރާ ގައުމެއްކަން ފާހަގަކޮށްލެވެއެވެ. މި ސަރުކާރު ވެރިކަމަށް އައިފަހުން ދެ ގައުމުގެ ގުޅުން ވަނީ އިތުރަށް ވަރުގަދަވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0