Read Time:3 Minute, 12 Second
(ފޮޓޯ ކްރެޑިޓްސް: މިހާރު)
މަސްތުވާތަކެތީގެ ވަބާއިން ރާއްޖެ ސަލާމަތްކުރުމަށް މުޅި ދައުލަތް އެކުގައި މަސައްކަތްކުރާ ކަމުގެ އިހުސާސް ރައްޔިތުންނަށް ކުރެވޭނެ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެ އެވެ. މިނިސްޓަރު މިހެން ވިދާޅުވީ، ޑްރަގްގެ ބޮޑެއް ބަންދުން ދޫކުރި ކްރިމިނަލް ކޯޓުގެ ގާޒީ ހުސައިން ފާއިޒް ރަޝާދު މަގާމުން ވަކިކުރަން ރައްޔިތުންގެ މަޖިލީހުން ފާސްކުރި ޚަބަރާއި، ރާއްޖެއަށް ޑްރަގު އެތެރެކުރާ މީހުންނަށް މަރުގެ އަދަބު ދޭން މަޖިލީހުން ފާސްކުރި ޚަބަރާ ގުޅިގެންނެވެ. ގާޒީ ފާއިޒް ވަކިކުރީ، މަސްތުވާތަކެތި އެތެރެކުރުމުގައި އިސްކޮށް ހަރަކާތްތެރިވާ ކަމަށް ފުލުހުން ތުހުމަތުކުރި އަލީ އަންވަރު މުހައްމަދު ބަންދުން ދޫކޮށްލުމުގައި ގާނޫނުއަސާސީއާ ހިލާފަށް އަމަލުކޮށްފައިވާ ކަމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ބެލުމަށްފަހު، އެކަން ސާބިތުވެ މަޖިލީހަށް ފޮނުވުމުންނެވެ.
މަސްތުވާތަކެއްޗާ ބެހޭ ގާނޫނަށް ގެނައި އިސްލާހުގެ ދަށުން، ރާއްޖެއަށް މަސްތުވާތަކެތި އެތެރެކުރާ މީހުންނަށް ނުވަތަ ވިޔަފާރިކުރާ މީހުންނަށް ވަކި ބަރުދަނެއް ހަމަވެ، އެތެރެވިއިރު އެތެރެކުރި އެއްޗަކަށްވާ ނަމަ، ސުޕްރީމް ކޯޓުގެ ފަނޑިޔާރުން އިއްތިފާގުވާ ހާލަތުގައި މަރުގެ އަދަބު ދެވޭނެ އެވެ. މީގެ އިތުރުން، މިހާރު އޮންނަ އުމުރު ދުވަހުގެ ޖަލު ހުކުމުގެ 25 އަހަރުގެ މުއްދަތު އުވާލައި، ޕެރޯލް ނުލިބޭނެ ގޮތަށް، އަދި މާފު ނުދެވޭނެ ގޮތަށް މަރުވަންދެން ޖަލުގައި ހުރުމަށް ވަނީ ބަދަލުކޮށްފަ އެވެ. މި ގާނޫނުގެ ދަށުން މަރުގެ އަދަބު ނުވަތަ އުމުރަށް ޖަލަށްލުމުގެ އަދަބު ކަނޑައަޅާ ކުށްތަކަކީ އެއްވެސް ގޮތަކަށް މާފު ނުދެވޭނެ އަދި ލުއި ނުދެވޭނެ ކުށްތަކެއް ކަމަށް ވެސް މި ބިލުގައި ވަނީ ކަނޑައަޅާފަ އެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0