Read Time:2 Minute, 37 Second
(ފޮޓޯ ކްރެޑިޓްސް: ޕޮލިސް)
ހޯމް މިނިސްޓަރު އަލީ އިހުސާން ވިދާޅުވީ ފުލުހުންގެ ހިދުމަތް “ރީސެޓް” ކުރުމަށް ބޭއްވި ކޮންފަރެންސްގެ ނަތީޖާ ކުރިއަށް އޮތް 2-3 ހަފުތާގެ ތެރޭގައި ފެންނަން ފަށާނެ ކަމަށެވެ. މި ކޮންފަރެންސްގައި، ފުލުހުންގެ މަސްތުވާތަކެތީގެ މައްސަލަތަކާއި ގޭންގާއި ކުޑަކުދިންނާ ގުޅޭ މައްސަލަތައް، އަދި ބިދޭސީންގެ ފަރާތުން ކުރިމަތިވާ ކަންކަން ހައްލު ކުރުމަށް އަމާޒު ހިފާނެ ދާއިރާތަކެއް ކަނޑައަޅާފައިވެ އެވެ. މިއީ ފުލުހުންގެ ހުރިހާ ކޮމާންޑަރުން ބައިވެރިކޮށްގެން ބޭއްވުނު ފުރަތަމަ މިފަދަ ބޮޑު ކޮންފަރެންސް ކަމަށް ވެސް މިނިސްޓަރު ފާހަގަކުރެއްވި އެވެ.
އިހުސާން ވިދާޅުވީ ފުލުހުންގެ އިދާރާ އަކީ ދައުލަތުން ބޮޑު ހަރަދެއް ކުރާ ތަނެއް ނަމަވެސް، އެތައް އަހަރެއް ވަންދެން ރަނގަޅު ނުކުރެވި ހުރި ގިނަ ކަންކަން ހުރި ކަމަށެވެ. އަދި ފުލުހުންގެ މުޅި ސިސްޓަމް “ފެއިލް” ވެފައިވާ ކަމަށާއި ފުލުހުންނަށް އޮތް އިތުބާރު ގެއްލެމުންދާ ކަމަށް އޭނާ ފާޅުގައި ވިދާޅުވެފައިވެ އެވެ. މިނިސްޓަރު ބޭނުންފުޅުވަނީ ތަހުގީގުތައް އަވަސްކުރުމާއި، މަގުމަތިން ފުލުހުން ގިނައިން ފެނުމާއި، ޖަވާބުދާރީވުން ރަނގަޅުކޮށް، ރައްޔިތުންނަށް ސަލާމަތާއި ރައްކާތެރިކަން އިހުސާސްވާ މިންވަރު ބޮޑުވުމެވެ. ނަތީޖާ ނުދެއްކޭ ފުލުހުންނަށް އަބަދު ވަޒީފާގައި ނުތިބެވޭނެ ކަމަށާއި، ނޮން-ޕާފޯމް މީހުން ޖެހޭނީ ނަތީޖާ ދައްކަން ކަމަށް ވެސް އޭނާ ހާމަކުރެއްވި އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0