Read Time:2 Minute, 10 Second
“ދަ ޓްރެވެލް ގައިސް ޕްރައިވެޓް ލިމިޓެޑް” ގައި އިސްކޮށް އުޅުނު ހުސައިން ސަނީ އުމަރު، ކުޑަކުއްޖަކަށް ޖިންސީ ގޯނާކުރި ކަމުގެ ތުހުމަތުގައި ކްރިމިނަލް ކޯޓުން 30 ދުވަހަށް ބަންދުކޮށްފި އެވެ. ޕްރޮސިކިއުޓާ ޖެނެރަލްގެ އޮފީހުން މި ބަންދަށް އެދުނީ، ކުޑަކުދިންނަށް ޖިންސީ ގޯނާކުރާ މީހުންނާ މެދު ހާއްސަ އުސޫލުތަކަކަށް އަމަލުކުރުމުގެ ގާނޫނުގެ ދަށުންނެވެ. މައްސަލައިގެ ތަހުގީގު ކުރިއަށްދާ ވަރަކުން ބަންދުގެ މުއްދަތު އިތުރުކޮށް، ޝަރީއަތް ނިމެންދެން އޭނާ ބަންދުކުރުމަށް އެދޭނެ ކަމަށް ޕީޖީން ވަނީ ބުނެފަ އެވެ.
ފުލުހުންނަށް މި މައްސަލަ ހުށަހެޅީ އެ ކުއްޖާގެ އާއިލާގެ ފަރާތުންނެވެ. ސަނީ އުމަރު ހައްޔަރުކޮށްފައި ވަނީ ރާއްޖެއިން ބޭރަށް ފުރައިގެން ދާން ވެލާނާ އިންޓަނޭޝަނަލް އެއާޕޯޓުން އުޅެނިކޮށް، ކޯޓު އަމުރެއްގެ ދަށުންނެވެ. މި މައްސަލައާ ގުޅިގެން “ދަ ޓްރެވެލް ގައިސް” އިން ބުނެފައި ވަނީ، އޭނާއަށް ކުރެވޭ ތުހުމަތުތަކާ ގުޅިގެން ކުންފުނީގައި ހުރި އޭނާގެ ހިއްސާ އަތުލަން ބޯޑުން ނިންމާފައިވާ ކަމަށާއި، އެ ކުންފުނިން ހިންގާ “ޓްރެވެލޫއުޝަން މީޑިއާ” ހިންގުމުގައި އޭނާގެ ދުވަހުން ދުވަހުގެ ބައިވެރިވުމެއް ނެތް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0