Read Time:3 Minute, 6 Second
ރައްޔިތުންގެ މަޖިލީހުގެ އިޖުތިމާއީ ކޮމިޓީގެ މުގައްރިރުގެ މަގާމުގައި ހުންނެވި މާފަންނު މެދު ދާއިރާގެ މެންބަރު އަސްމާ ރަޝީދު އެ ކޮމިޓީން ވަކިކޮށްފި އެވެ. މަޖިލީހުގެ ރިޔާސަތުން މިއަދު އިއުލާންކުރި މި ބަދަލާއެކު، އަސްމާގެ ބަދަލުގައި ދުވާފަރު ދާއިރާގެ މެންބަރު މުހައްމަދު އަލީ ވަނީ ކޮމިޓީއަށް އައްޔަންކޮށްފަ އެވެ. ނަމަވެސް ކޮމިޓީގެ އާ މުގައްރިރެއް އަދި ކަނޑައެއްނާޅަ އެވެ.
މި ބަދަލު ގެނެސްފައި މިވަނީ، ރައީސް ޑރ. މުހައްމަދު މުއިއްޒު ތާޖުއްދީން ސްކޫލްގައި ބާއްވަވާ ބައްދަލުވުމަކާ ގުޅިގެން، ރައީސާ ކުރާނެ ސުވާލު ނުވަތަ ދޭނެ މެސެޖެއް އޮތް ނަމަ އެންގުމަށް އެދި އަސްމާ އޭނާގެ ދާއިރާގެ މެންބަރުންނަށް ފޮނުއްވި މެސެޖެއްގެ މައްސަލަ ބޮޑުވެފައިވަނިކޮށެވެ. އަސްމާ ވަނީ އެ މެސެޖާ ގުޅިގެން މާފަށް އެދިވަޑައިގެންފަ އެވެ. އޭނާ ވިދާޅުވީ އެ މެސެޖުގެ މަގުސަދަކީ ރައީސާ ސީދާ ބައްދަލުކުރުމުގެ ފުރުސަތު ނުލިބޭ ފަރާތްތަކުގެ ކަންބޮޑުވުންތައް ރައީސާ ހަމައަށް ފޯރުކޮށްދިނުން ކަމަށެވެ.
ރައީސް ވަނީ، ރައްޔިތުންނާ އެކު ބާއްވަވާ ބައްދަލުވުންތަކަކީ ރައްޔިތުންނަށް ސީދާ ގޮތެއްގައި އެ މަނިކުފާނާ ސުވާލުކޮށް، މެސެޖު ދިނުމަށް ނުވަތަ ސިޓީ ހަވާލުކުރުމަށް ދެވޭ ފުރުސަތެއް ކަމަށާއި، ރައްޔިތުން ގާތު އެމްޕީން މެސެޖުކޮށް އެފަދަ ކަންކަން ނުކުރެއްވުމަށް އެދިވަޑައިގެންފަ އެވެ. ސަރުކާރުގެ ތަރުޖަމާން ހީނާ ވަލީދު ވެސް ވަނީ، މި ބައްދަލުވުންތަކުގައި ކުރާނެ ސުވާލުތަކާއި ހިޔާލުތައް ކުރިން ހުށަހަޅަން ޖެހޭ ކަމަށް ދެކެވޭ ވާހަކަތައް ދޮގުކުރައްވާފަ އެވެ. އަދި ރައްޔިތުން މިނިވަންކަމާއެކު ވާހަކަ ދެއްކުމުގެ ފުރުސަތު ދެމުން އަންނަ ކަމަށް ވިދާޅުވެފަ އެވެ.
Happy
50 %
Sad
50 %
Excited
0 %
Sleepy
0 %
Angry
0 %
Surprise
0 %
0
0