Read Time:4 Minute, 6 Second
ބާސެލޯނާއިން އިނގިރޭސި ފޯވަޑް ހެރީކޭން އަށް ޝައުގުވެރިކަން ފާޅުކުރަން ފެށުމުން އޭނާގެ ކުލަބު ޖަރުމަނުގެ ބަޔާން މިއުނިކުން ކުޅުންތެރިޔާ އޮބިއަޅުވަން ތައްޔާރުވާން ފަށައިފިއެވެ. އިނގިރޭސި ގައުމީ ކެޕްޓަން ބަޔާން މިއުނިކާއެކު ހަދާފައިވާ ކޮންޓްރެކްޓްގައި ބާކީ އަދި 18 މަސް ދުވަސް އެބައޮތެވެ. ނަމަވެސް ބަޔާން މިއުނިކުން މިހާރު ބޭނުންވަނީ ކޭން އެކުލަބުގައި އިތުރަށް ބަހައްޓަން ކުލަބުގެ ގަވާއިދުތައް އިސްތިސްނާ ކޮށްލުމަށެވެ. ސްޕޭނުގެ ރެއާލް މެޑްރިޑާއި ބަޔާން މިއުނިކްގެ ޕޮލިސީ އަކީ އުމުރުން 30 އަހަރުން މަތީގެ ކުޅުންތެރިންނަށް އެއް އަހަރަށްވުރެ ދިގު މުއްދަތެއްގެ ކޮންޓްރެކްޓެއް ނުދިނުމެވެ. ނަމަވެސް ކޭން އަށް މި އުސޫލު އިސްތިސްނާ ކުރަން ބަޔާން މިހާރު ވަނީ ނިންމާފަ އެވެ.
ކޭންގެ އުމުރުން މިހާރު 32 އަހަރެވެ. އަންނަ ސީޒަން ފަށާއިރު އޭނާ އަށް 33 ވާނެ އެވެ. ބާސެލޯނާއިން އޭނާ އަށް ޝައުގުވެރިވީ އެ ކުލަބުގެ ކުރިއަށް ކުޅޭ މޮޅު އަދި އިތުބާރު ކުޅުންތެރިއަކު ހޯދުމުގަ އެވެ. ބާސެލޯނާގެ މާލީ ހާލަތު މިވަގުތު ކިތަންމެ ދަތިކޮށް އޮތް ނަމަވެސް އެ ކުލަބުން ޝައުގުވެރިވާ ވާހަކަ އިވުމާއެކު ބަޔާން މިއުނިކް މިކަމާ ސީރިއަސްވި ސަބަބުތަކެއްވެ އެވެ. އެންމެ ފުރަތަމަ ސަބަބަކީ މީގެ ތިން ސީޒަން ކުރިން އެ ކުލަބުގެ އިސް ފޯވަޑް ރޮބަޓް ލެވޮންޑޯސްކީ ބާސެލޯނާއިން 45 މިލިއަން ޑޮލަރު ދީފައި ގެންދިއުމުންނެވެ. އޭނާގެ އުމުރުން މިހާރު 37 އަހަރުވެފައިވުމާއި ގާތްގާތުގައި އިންޖަރިވާތީވެ ބާސެލޯނާއިން މިހާރު ވަނީ މި ސީޒަނަށް ފަހު ލެވޮންޑޯސްކީ ދޫކޮށްލަން ނިންމާފަ އެވެ. ދެ ވަނަ ކަމަކީ ކޭންގެ ކޮންޓްރެކްޓްގައިވާ ގޮތުން 65 މިލިއަން ޑޮލަރު ދީފައި އޭނާ ގެންދެވޭތީ އެވެ. އަންނަ އަހަރަކީ ބާސެލޯނާގެ އިންތިހާބީ އަހަރު ކަމަށް ވުމުން އެ ކުލަބުގެ ރައީސް ޖޯން ލަޕޯޓާ މިފަދަ ކަމެއް ކޮށްފާނެ ކަމަށް ބަޔާނުން ގަބޫލުކުރެ އެވެ. ލެވޮންޑޯސްކީ އަށް 45 މިލިއަން ދީފައި ކޭން އަށް 65 މިލިއަން ޑޮލަރު ނުދެވެންވީ ސަބަބެއް ބަޔާނަކަށް ނުވިސްނެ އެވެ.
ކޭން ގެންދިއުމަށް ބާރު އެޅުމުގެ ގޮތުން ބާސެލޯނާއިން މިހާރު ވަނީ އެ ކުލަބަށް ލޯނު އުސޫލުން ކުޅެމުން އަންނަ އިނގިރޭސި ގައުމީ ފޯވަޑް މާކަސް ރަޝްފޯޑްގެ ކޮންޓްރެކްޓް ދާއިމީ ކުރަން މަސައްކަތް ފަށައިފަ އެވެ.
Happy
0 %
Sad
50 %
Excited
0 %
Sleepy
0 %
Angry
0 %
Surprise
50 %
0
0