Read Time:3 Minute, 32 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ހުޅުމާލޭ ބައު އިންޖީނުގޭގައި ހިނގި އަލިފާނުގެ ޙާދިސާއާ ގުޅިގެން ދިވެހި ފުލުހުންގެ ޚިދުމަތުން، މިނިވަން ތަޙުޤީޤެއް ފަށާފައިވާކަމަށް ސްޓެލްކޯއިން ވިދާޅުވެއްޖެއެވެ. ހުޅުމާލޭ ބައު އިންޖީނުގޭގެ ސްވީޗަކަށް ދިމާވި މައްސަލައެއް ހައްލުކުރުމުގެ ތެރޭގައި ހިނގި އަލިފާނުގެ ހާދިސާގައި ސްޓެލްކޯގެ މުވައްޒަފަކު ފިހި އެކިވަރުގެ އަނިޔާތަށްވަނީ ލިބިފައެވެ. އޭނާއަށް ހުޅުމާލޭ ހޮސްޕިޓަލުގައި ފަރުވާ ދިނުމަށްފަހު އިތުރުފަރުވާއަށް މިހާރުވަނީ އޭޑީކޭ ހޮސްޕިޓަލަށް ފޮނުވާފައިކަމަށް ސްޓެލްކޯއިން ވިދާޅުވެއެވެ. ސްޓެލްކޯއިން ނެރުނު ބަޔާނެއްގައި ވިދާޅުވީ، މިހާދިސާގައި އަނިޔާވި މުވައްޒަފުގެ ފަރުވާއާއި ގުޅޭ ހުރިހާކަމެއް ޢާއިލާއާއި ގުޅިގެން އެކުންފުނިން ބަލަމުންދާކަމަށެވެ. މިކަމުގައި ޢާއިލާއަށް އިތުރު ތަކުލީފުތަކެއް ލިބިދާނެ ފަދަ މޭރުމަކުން ޚަބަރުތައް ނުފެތުރުމަށް އެކުންފުނިންވަނީ އިލްތިމާސްކުރައްވާފައެވެ.
ނޫސްބަޔާން: ހުޅުމާލޭ އިންޖީނުގޭގައި މިއަދު ހިނގައިދިޔަ ހިތާމަވެރި ހާދިސާއާއި ގުޅޭ pic.twitter.com/5Gzs4ZxSfA
— STELCO (@STELCOMALDIVES) November 26, 2025
މި ޙާދިސާ ހިނގަން މެދުވެރިވި ސަބަބު ދެނެގަނެ އިތުރަށް އެފަދަ ކަމެއް ތަކުރާރުވިޔަ ނުދިނުމަށްޓަކައި އަޅަންޖެހޭ ފިޔަވަޅުތައް އަޅަމުންދާކަމަށް ސްޓެލްކޯއިން ފާހަގަކުރައްވައެވެ. އަދި މިޙާދިސާގެ މިނިވަން ތަޙުޤީޤެއް ދިވެހި ފުލުހުންގެ ޚިދުމަތުން ފަށާފައިވާކަމަށް އެކުންފުނިން ވިދާޅުވެއެވެ. އަދި އެކަމުގައި ފުލުހުންނަށް ދޭންޖެހޭ ފުރިހަމަ އެއްބާރުލުން ދޭނެކަމަށް ސްޓެލްކޯއިން ވަނީ ވިދާޅުވެފައެވެ. ހުޅުމާލޭގައި ހުންނަ ބައު އިންޖީނުގޭގެ ސްވީޗް ގިއަރއަކަށް ދިމާވި މައްސަލައެއް ހައްލުކުރަނިކޮށް ހިނގި އަލިފާނުގެ ޙާދިސާގައި 43 އަހަރުގެ ފިރިހެނެއް ވަނީ ފިހިފައެވެ. އޭނާގެ ހަށިގަނޑުގެ އެކި ތަންތަން ފިހި ސީރިއަސް އަނިޔާތަކެއް ލިބިފައިވާ ކަމަށް ސްޓެލްކޯއިން ވިދާޅުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0