Read Time:2 Minute, 36 Second
(ފޮޓޯ ކްރެޑިޓްސް: މިހާރު)
ގައުމީ ބޭންކް، ބީއެމްއެލް އިން ބޭންކިންގ ގާނޫނާ ހިލާފަށް ލޯނު ދޫކުރަން އުޅޭ ކަމަށް ބުނެ ފަތުރާ ވާހަކަތައް މިއަދު ދޮގުކޮށްފި އެވެ. ބީއެމްއެލްގެ ތަރުޖަމާން މުހައްމަދު ސައީދު ވިދާޅުވީ ސަރުކާރުން ބައެއް އަމިއްލަ ކުންފުނިތަކާ އެކު ސޮއިކުރި މަޝްރޫއުތަކުގެ ކޮންޓްރެކްޓަރުންނަށް ބޭންކިން ގާނޫނާ ހިލާފަށް ލޯނު ދޫކުރާ ކަމަށް ދައްކާ ވާހަކަތަކަކީ އެއްވެސް އަސާސެއް ނެތް ވާހަކަތަކެއް ކަމަށެވެ. ބީއެމްއެލް އިން ލޯނު ދޫކުރަނީ އަބަދުވެސް ރާއްޖޭގެ ބޭންކިންގ ގާނޫނާއި ގަވާއިދުތަކާ، އަދި ބައިނަލްއަގުވާމީ މިންގަނޑުތަކާ އެއްގޮތްވާ ގޮތުގެ މަތިން ކަމަށް އޭނާ ވިދާޅުވި އެވެ. އަދި މިފަދަ ހަގީގަތާ ހިލާފު މައުލޫމާތު ފެތުރުމަކީ ޒިންމާދާރުކަން ކުޑަ އަމަލެއް ކަމަށް ބީއެމްއެލް އިން ވަނީ ސިފަކޮށްފަ އެވެ.
މިކަމަށް ބީއެމްއެލް އިން ރައްދު ދީފައި މިވަނީ، ސަރުކާރުން 2.7 ބިލިއަން ރުފިޔާގެ 206 މަޝްރޫއު 53 ކުންފުންޏަކާ، ބީލަމަށް ނުލައި އަދި ހާމަކަމެއް ނެތި ހަވާލުކޮށްފައިވާ ކަމަށް އިދިކޮޅު އެމްޑީޕީން ފާޑުކިޔައި، އެ މަޝްރޫއުތަކަށް ބީއެމްއެލް މެދުވެރިކޮށް ފައިނޭންސް ހަމަޖައްސާ ކަމަށް ބުނެ ނޫސްބަޔާނެއް ނެރެފައި ވަނިކޮށެވެ. ފިނޭންސް މިނިސްޓަރު ޒަމީރު ވަނީ އެ މަޝްރޫއުތައް ހިންގާ ދިވެހި ވިޔަފާރިތަކަށް ރާއްޖޭގެ ބޭންކިން ނިޒާމުގެ ތެރެެއިން ބަރާބަރަށް ފައިސާ ލިބޭނެ ކަމަށް ވިދާޅުވެފަ އެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0