Read Time:4 Minute, 20 Second
(ފޮޓޯ ކްރެޑިޓްސް: ރައީސް އޮފީސް)
ޒުވާނުން ބާރުވެރިކޮށް، އެފަދަ ފުރުސަތުތައް ފަހިކޮށްދިނުމަކީ ސަރުކާރުގެ ޚާއްސަ އިސްކަމެކެވެ. މިދިޔަ ދެ އަހަރު ވަނީ މި ދާއިރާއިން ގިނަ މަސައްކަތްތަކެއް ކުރެވިފައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެރިކަމާ ހަވާލުވެވަޑައިގަތުމަށްފަހު، ކުޅިވަރާއި ޒުވާނުންގެ ދާއިރާ ވަކިކުރައްވައި، ޒުވާނުންގެ ކުރިމަގަށް ޚާއްސަ ވުޒާރާއެއް އުފެއްދެވިއެވެ. މި ވުޒާރާގެ އަމާޒަކީ ދިވެހި ޒުވާނުން ހީވާގި، އުފެއްދުންތެރި އަދި ޒަމާނަށް އަހުލުވެރި ބަޔަކަށް ހަދައި، ޤައުމީ ތަރައްޤީގައި އެމީހުންގެ ދައުރު ފުޅާކުރުމެވެ.
(ފޮޓޯ ކްރެޑިޓްސް: ޕީއެސްއެމް ނިއުސް)
ޒުވާނުން ބާރުވެރިކުރުވުމާއި މައުލޫމާތާއި ފަންނާ ބެހޭ ވުޒާރާގެ މުހިންމު މަސައްކަތަކީ، ނޭޝަނަލް އެޕްރެންޓިސްޝިޕް ޕްރޮގްރާމްތައް ހިންގުމެވެ. މި ޕްރޮގްރާމްގެ މަޤުސަދަކީ، ބިދޭސީ މަސައްކަތްތެރިންގެ އަދަދު މަދުކޮށް، ހުނަރުވެރި ދިވެހި ޒުވާނުން މަސައްކަތުގެ ބާޒާރަށް ނެރުމެވެ. މިހާތަނަށް 62 ޒުވާނުން މި ޕްރޮގްރާމް ފުރިހަމަކޮށްފައިވާއިރު، 112 ޒުވާނުން ދަނީ ތަމްރީނު ހާސިލުކުރަމުންނެވެ. މީޑިއާ ދާއިރާއިން ޒުވާނުން ތަމްރީންކުރުމަށް ޕަބްލިކް ސަރވިސް މީޑިއާއާ ގުޅިގެން “ބީމް ޓްރެއިނިންގ އިނިޝިއޭޓިވް” ފަށާފައިވެއެވެ. އަދި ނޫސްވެރިކަން ދަސްކުރުމަށްޓަކައި މޯލްޑިވްސް ނޭޝަނަލް ޔުނިވަރސިޓީއާ އެކު ފަހުމުނާމާއެއްގައި ވަނީ ސޮއިކޮށްފައެވެ.
މީގެ އިތުރުން، ޒުވާނުންގެ ޤައުމީ ސިޔާސަތު އެކުލަވާލުމުގެ މަސައްކަތް ފަށައި، ފްރޭމްވޯކް ހެދުމުގެ މަސައްކަތް އިސްލާމިކް ޔުނިވަރސިޓީއާ ހަވާލުކުރުމަށް އެއްބަސްވުމެއް އެކުލަވާލާފައިވެއެވެ. އަދި “ނޭޝަނަލް ނިއުސް އެޖެންސީ” ގެ ނަމުގައި، ދިވެހި މީޑިއާތަކަށް އެއް ޕްލެޓްފޯމަކުން ކޮންޓެންޓް ލިބޭނެ އިންތިޒާމު ހަމަޖައްސާފައިވެއެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ރިޔާސީ ވަޢުދާ އެއްގޮތަށް، ރާއްޖޭގައި ހިންގާ އަމިއްލަ މީޑިއާތަކަށް ދައުލަތުން މާލީ އެހީ ދިނުމުގެ އުޞޫލެއް ފުރަތަމަ ފަހަރަށް އެކުލަވާލާފައިވާއިރު، އެގޮތުން ކޮންމެ އަހަރަކު ދައުލަތުގެ ބަޖެޓުގެ ލަފާކުރާ ރެވެނިއުގެ 0.1 އިންސައްތަ މީޑިއާތަކަށް ދޫކުރުމަށް ވަނީ ކަނޑައަޅާފައެވެ. ޖުމްލަކޮށް ބަލާއިރު، މިދިޔަ ދެ އަހަރަކީ ޒުވާނުން ބާރުވެރިކުރުމަށް ގިނަ މަސައްކަތްތަކެއް ކުރެވުނު މުހިންމު ދެ އަހަރެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0