Read Time:5 Minute, 34 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ފިރިހެނުންގެ ޓެނިސް ވޯލްޑް ކަޕް ކަމަށްވާ ޑޭވިސް ކަޕް 2025 ގައި ރާއްޖެ ހިމެނޭ އޭޝިއާ އޯޝޭނި ގުރޫޕް 5 ގެ އެއްވަނަ ހޯދި ޤައުމީ ފިރިހެން ޓެނިސް ޓީމަށް ވެލާނާ އިންޓަނޭޝަނަލް އެއާޕޯޓުން ހޫނު މަރުޙަބާއެއް ކިޔައިފިއެވެ. މިއީ ޓެނިސް ވޯލްޑް ކަޕްގައި ރާއްޖެއަށް ގުރޫޕު ސްޓޭޖުން އެއްވަނަ ލިބުނު ފުރަތަމަ ފަހަރެވެ. މިކާމިޔާބީ ހޯދައިދިން ސީނިއާ ގައުމީ ޓެނިސް ޓީމު މާލެ އައުމުން ވެލާނާ އިންޓަނޭޝަނަލް އެއަރޕޯޓުގެ ވީއައިޕީ ލައުންޖުން ޓީމަށް މަރުޙަބާ ދެންނެވީ ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢުއާއި ސްޓޭޓް މިނިސްޓަރ ޢަބުދުއްރައްޒާގް އިބްރާހީމް އާއި ޓެނިސް އެސޯސިއޭޝަންގެ ރައީސް އަޙުމަދު ހަފީޒާއި، ނައިބު ރައީސް އިގްނާޒް މަންސޫރާއި އެސޯސިއޭޝަންގެ ސެކްރެޓަރީ ޖެނެރަލެވެ.
ބަހްރެއިންގައި ކުރިޔަށްދިޔަ ޑޭވިސް ކަޕްގައި ރާއްޖޭގެ އެތުލީޓުން ވަނީ ވަރަށް މޮޅު ކުޅުމެއް ދައްކައި އޭޝިއާ/އޯޝޭނިއާ ސަރަޙައްދުގެ ވަރުގަދަ ގައުމުތައް ބަލިކޮށްފައެވެ. އެގޮތުން ޔޫއޭއީ އާއި ތަޖިކިސްތާނާއި، މަކާއޯގެ ޗެމްޕިއަނުން ބަލިކޮށް ގްރޫޕްގެ އެއްވަނަ ހޯދުމަށްފައެވެ. އަދި ޕްރޮމޯޝަނަލް މެޗާ ހަމައަށް ދަތުރުކުރި މި ޓީމުން ކުރި ހިތްވަރު ފާހަގަ ކުރައްވައި ވަޒީރު ވަނީ ކުޅުންތެރިންނަށް ޝުކުރު އަދާކުރައްވާފައެވެ.
(ފޮޓޯ ކްރެޑިޓްސް: ޕީއެސްއެމް ނިއުސް)
އަދި މިކާމިޔާބީގެ ސަބަބުން އަންނަ އަހަރަށް ވަރަށް ބޮޑު އުއްމީދެއް އައުވެއްޖެ ކަމަށާއި، އެހެން ޓެނިސް ކުޅުންތެރިންނަށް ޤައުމީ ޓީމުގެ މިކާމީޔާބީގެ ސަބަބުން ކުރިޔަށްދާން އިތުރު ހިތްވަރެއް ލިބޭނެކަމަށްވެސް ވަޒީރު ފާހަގަކުރެއްވިއެވެ. ޑޭވިސް ކަޕްގައި ވާދަކުރާ ޓީމުގައި ހިމެނެނީ ޓީމުގެ ކެޕްޓަން ޢަބުދުالله ފާއިހް ފަޒީލް، ދާއޫދު ޝަހީބު، މުޙައްމަދު ކައިސާން އިއްޒަތު ރަޝީދު، އަޙުމަދު ސާއި ވަހީދު އަދި އާދަމް އާލް ނިޔާޒެވެ.
ރާއްޖެ ވަނީ އޭޝިއާ އޯޝޭނިއާ ގުރޫޕް 5 ގެ ޑީގެ އެއްވަނައަށް ދަތުރުކޮށް ކުޅުނު ޕްރޮމޯޝަން ޕްލޭ އޮފްގައި ގުރޫޕް އޭގެ ޗެމްޕިއަން ނޮދާން މެރިއާނާ އައިލެންޑްސް އަތުން ބަލިވެފައެވެ. އެހެންނަމަވެސް މިއީ ޓެނިސް ވޯލްޑް ކަޕްގައި ރާއްޖެއަށް ހޯދުނު އެންމެ ބޮޑު ކާމިޔާބީއެވެ. މީގެ ކުރީ އަހަރުތަކުގައި ގުރޫޕުގެ އެއްވަނައާ ހަމައަށް ނުދެވުނަސް މިއަހަރު ކުޅުންތެރިން މި ހޯދި ކާމިޔާބީއަކީ ޓެނިސް ކުރިއަރަމުން އަންނަކަމުގެ ހެއްކެއްކަމަށް ޓެނިސް އެސޯސިއޭޝަން ފާހަގަކުރެއެވެ.
(ފޮޓޯ ކްރެޑިޓްސް: ޕީއެސްއެމް ނިއުސް)
މި ތާރީޚީ ކާމިޔާބީި ހޯދައިދިން ޓެނިސް ކުޅުންތެރިން މަރުޙަބާ ދެންނެވުމަށްފަހު ޓެނިސް އެސޯސިއޭޝަންގެ ރައީސް އަޙުމަދު ހަފީޒް ވަނީ އަންނަ އަހަރުގެ މުބާރާތްތަކުން އިތުރު ކާމިޔާބީ ހޯދުމަށް ކުޅުންތެރިންނަށް ހިތްވަރު ދެއްވައިފައެވެ.
އަދި ކުރިޔަށް އޮތްތަނުގައި އިތުރު ކޯޗުން ގެނެސްގެން ޓްރޭނިން ޕްރޮގްރާމްތައް އިތުރުކޮށްދެއްވާނެކަމަށާއި، އަންނަ އަހަރު ވަރަށް ބޮޑު ކުޅުންތެރިންގެ ކުރިއެރުމަށް ކަންކަން މަގުފަހިކޮށްދެއްވާނެ ކަމަށް އެސޯސިއޭޝަންގެ ރައީސް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0