Read Time:2 Minute, 47 Second
(ފޮޓޯ ކްރެޑިޓްސް: މިހާރު)
ދައުލަތުގެ ޕޭ ފްރޭމްވޯކަށް ގެނެވުނު އިސްލާހަކާއެކު، ރަސްމީގަޑީގެ މަސައްކަތްތައް ނުރަސްމީގަޑީގައި ކުރެވޭނެ އުސޫލު، ނޭޝަނަލް ޕޭ ކޮމިޝަނުން މިހާރު ވަނީ ތައާރަފްކޮށްފަ އެވެ. “ފްލެކްސިބްލް ވޯކިން ޓައިމް”ގެ ނަމުގައި ހަމަޖެއްސި މި އުސޫލުގެ ދަށުން، މެއިންޓަނެންސް، އިންސްޕެކްޝަން، ސާވޭ އަދި އައިޓީ ދާއިރާގެ މަސައްކަތްތައް ކުރާ މުވައްޒަފުންނަށް، ރަސްމީގަޑީގައި ކުރަން ދަތި މަސައްކަތްތައް އެހެން ގަޑިތަކުގައި ކުރުމުގެ ފުރުސަތު ލިބިގެންދާނެ އެވެ. މީގެ މަގްސަދަކީ މަސައްކަތުގެ ނަތީޖާ ރަނގަޅުކޮށް، ރައްޔިތުންނަށް ދެވޭ ހިދުމަތްތައް އިތުރަށް ހަރުދަނާކުރުމެވެ.
މި ބަދަލުތައް އައިސްފައި މިވަނީ، 2022 ވަނަ އަހަރު ދައުލަތުގެ ޕޭ ފްރޭމްވޯކަށް އަމަލުކުރަން ފެށި ފަހުން، ގިނަ މުވައްޒަފުންނަށް މުސާރައިގެ ކުރިއެރުންތަކެއް ލިބި، މިމަހުން ފެށިގެން އެއްވެސް މުވައްޒަފެއްގެ އަސާސީ މުސާރަ 7،400ރ. އަށްވުރެ ދަށްނުވާނެ ކަމަށް ފިނޭންސް މިނިސްޓްރީން ބުނެފައިވާ ދަނޑިވަޅެއްގަ އެވެ. މީގެ ކުރިން ބައެއް މުވައްޒަފުންނަށް 3،100ރ. ގެ އަސާސީ މުސާރައެއް ވެސް ލިބިފައިވާކަން ޕޭ ކޮމިޝަނުން ފާހަގަކުރެ އެވެ. އަދި މި އުސޫލުގެ ސަބަބުން މަސައްކަތުގެ މާހައުލުގެ ކަލްޗާ ހެޔޮ ބަދަލެއް ގެނެސް، ހާޒިރުވުމަށްވުރެ ނަތީޖާއަށް އިސްކަންދިނުމަކީ ކޮމިޝަންގެ އަމާޒެކެވެ. ކުރިން ތައުލީމީ އަދި ސިއްހީ ދާއިރާއަށް ގެނެވުނު މިފަދަ ބަދަލުތަކުން ރަނގަޅު ނަތީޖާތަކެއް ފެނިފައިވާ ކަމަށް ވެސް ޕޭ ކޮމިޝަނުން ބުނެ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0