Read Time:3 Minute, 1 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ފިރިހެނުންގެ ޓެނިސް ވޯލްޑްކަޕް ކަމަށްވާ ޑޭވިސް ކަޕް 2025 ގައި ރާއްޖެއިން ތަޖިކިސްތާނު ބަލިކޮށް ގުރޫޕްގެ އެއްވަނައަށް އަރައިފިއެވެ. ބަހްރެއިންގައި ކުރިޔަށްދާ މި މުބާރާތުގައި ވާދަކުރާ ރާއްޖޭގެ ގައުމީ ޓެނިސް ޓީމުން ކުޅުނު ތިންވަނަ މެޗު ކާމިޔާބުކުރީ 2-1 ން ވަރުގަދަ ތަޖިކިސްތާނު ބަލިކޮށްގެންނެވެ. ރާއްޖެއާއި ތަޖިކިސްތާން ބައްދަލުކުރި ފުރަތަމަ ސިންގަލްސް މެޗުގައި ރާއްޖޭގެ ދާއޫދު ޝަހީބް ނިކުތީ އިސްކަންދަރް އިސްމޮއިލް އާއި ދެކޮޅަށެވެ. މި މެޗުގެ ސެޓުތައް ތަޖިކިސްތާނުން ގެންދިޔައީ 7-6، 4-6 އަދި 0-6 ންނެވެ. ދެވަނަ ސިންގަލްސް މެޗުގައި ރާއްޖެ ޓީމުގެ ކެޕްޓަން އަބްދުالله ފާއިހް ފަޒީލް ނިކުތީ އަޙްމަދުޒްހޯން ކޮސިމީ އާއި ދެކޮޅަށެވެ. ސީދާ ދެ ސެޓުން މި މެޗު ކާމިޔާބު ކުރީ ރާއްޖެއިންނެވެ. މި މެޗުގެ ސެޓުތައް ފާއިހް ކާމިޔާބުކުރީ 6-3 އަދި 6-3 ންނެވެ.
ނަތީޖާ ނެރުމަށް ކުޅުނު ޑިސައިޑިން ޑަބަލްސް މެޗުގައި ފާއިހް އާއި އަހުމަދު ސާއީ ވަހީދުގެ ޕެއާ ނިކުތީ އިސްމޮއިލް އަދި ކޮސިމީގެ ޕެއާ އާއި ދެކޮޅަށެވެ. މި މެޗު ރާއްޖޭގެ ޕެއާއިން ކާމިޔާބުކުރީ 2-1 ސެޓުންނެވެ. ފުރަތަމަ ސެޓު 1-6، ން ތަޖިކިސްތާނުން ގެންދިޔަ ނަމަވެސް ދެވަނަ އަދި ތިންވަނަ ސެޓު 6-2 އަދި 6-4 ން ކާމިޔާބުކުރީ ރާއްޖެއިންނެވެ. މިއާއެކު ރާއްޖެ ވަނީ އޭޝިއާ އޯޝޭނިއާ ގުރޫޕް 5 ގެ ޑީގެ އެއްވަނައަށް ދަތުރުކޮށްފައެވެ. މާދަމާ ރާއްޖެ ނިކުންނާނީ ޕްރޮމޯޝަން ޕްލޭ އޮފްގައި ގުރޫޕް އޭގެ ޗެމްޕިއަން ނޮދާން މެރިއާނާ އައިލެންޑްސް އާއި ދެކޮޅަށެވެ. އެ މެޗުން މޮޅުވެއްޖެނަމަ ރާއްޖެއަށް ގުރޫޕް ހަތަރަކަށް ޕްރޮމޯޓް ވާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0