Read Time:2 Minute, 48 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ރައްޔިތުންގެ މަޖިލީހުގެ ނައިބު ރައީސް އަޙްމަދު ނާޒިމް ވިދާޅުވީ ދުބާއީ އާއި ސިންގަޕޫރު ފަދަ ޤައުމުތަކެކޭ އެއްފަދައިން ރާއްޖެ ތަރައްޤީކުރަން ބޭނުންނަމަ، ސަރުކާރާއި ރައްޔިތުންވެސް މުރާލިކަމާއެކު މަސައްކަތްކުރަންޖެހޭ ކަމަށެވެ. އެމަނިކުފާނު ފާހަގަކުރެއްވީ މިހާރު ގިނަ ބަޔަކު މަސައްކަތެއްނުކޮށް ވަޒީފާ އަދާކުރަން ބޭނުންވާކަމެވެ. ޤައުމު ކުރިއަރައި ދިއުމުގައި އަމިއްލަ ފަރުދުންގެ ދައުރު މުހިންމުކަމަށާއި، ސިވިލް ސާވިސްގެ ވަޒީފާތަކަށް އެންމެ ފެންވަރު ރަނގަޅު މީހުން ނުކުމެ މަސައްކަތްކުރުމުގެ މުހިންމުކަންވެސް ނާޒިމް ފާހަގަކުރެއްވިއެވެ. ނޮވެންބަރު މަހުން ފެށިގެން މުސާރައިގެ އޮނިގަނޑަށް ގެނައި ބަދަލާއެކު ޤާބިލު ޒުވާނުން ސިވިލް ސާވިސްއާ ގުޅޭނެކަމަށް އުއްމީދުކުރައްވާކަމަށް ވެސް ވިދާޅުވިއެވެ.
ނާޒިމް ވަނީ ސިވިލް ސާވިސް މުވައްޒަފުންގެ މަސައްކަތު އަޚްލާޤާ މެދު ސުވާލު އުފައްދަވާ، އޮފީސް ގަޑީގައި ސިނގިރޭޓު ބުއިމަށާއި ކޮފީ ބުއިމަށް ގިނަ ވަގުތު ހޭދަކުރާ މީހުން ގިނަކަން ފާހަގަކުރައްވާފައެވެ. ސިވިލް ސާވިސް ކޮމިޝަންގެ ރައީސް މުޙައްމަދު މުޖުތާޒުވެސް މިކަން ހިއްސާކުރައްވައި ވިދާޅުވީ، މިއީ ފަހުން ފެންނަން ފެށި ނޭދެވޭ ބަދަލެއް ކަމަށާއި، ކުރިން ސަރުކާރު މުވައްޒަފުންގެ ކިބައިން މިފަދަ ކަމެއް ފެނިފައިނުވާ ކަމަށެވެ. އަދި މިކަން ސަރުކާރު ކުންފުނިތަކުގައި މަސައްކަތްކުރާ މުވައްޒަފުންގެ ކިބައިންވެސް ފެންނަކަން އޭނާ ފާހަގަކުރެއްވިއެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0