Read Time:2 Minute, 25 Second
(ފޮޓޯ ކްރެޑިޓްސް: ސަން)
ޕީއެންސީގެ ޕާލަމެންޓަރީ ގްރޫޕްގެ ލީޑަރު އަދި އިނގުރައިދޫ ދާއިރާގެ މެންބަރު އިބްރާހީމް ފަލާހު ވިދާޅުވީ، ރައީސް ޑރ. މުޙައްމަދު މުއިއްޒު މިދިޔަ ދެ އަހަރު އުންމީދުކުރި ވަރަށް ވުރެ ފުރިހަމައަށް ޚިދުމަތްކޮށްދެއްވައިފި ކަމަށެވެ. ފަލާހު ރައީސް މުއިއްޒަކީ ގައުމަށް ލިބިފައިވާ ޖަވާހިރެއް ކަމަށް ސިފަކުރައްވައި، ކުރީގެ ވެރިންނާ ހިލާފަށް ރައްޔިތުންނާ ގާތުން ބައްދަލުކޮށް، ވައުދުތަކުގެ އިތުރުން ރައްޔިތުން އެދޭ މަޝްރޫއުތައްވެސް ފަށާފައިވާކަން ފާހަގަކުރެއްވިއެވެ.
ސަރުކާރަށް ދެ އަހަރު ފުރުން ފާހަގަކުރުމަށް ޕީއެންސީން ރޭ ބޭއްވި ހަފުލާއެއްގައި ފަލާހު މިހެން ވިދާޅުވިއިރު، އެ ހަފުލާގައި ކޭކެއް ފަޅާ މަޖިލީހުގެ ރައީސް އަބްދުއްރަޙީމް އަބްދުﷲ އާއި ޕާޓީގެ އިސްވެރިން ބައިވެރިވެވަޑައިގަތެވެ. މީގެ އިތުރުން، މިދިޔަ ހުކުރު ދުވަހުގެ ރޭ ސަރުކާރަށް ދެ އަހަރު ފުރުން ފާހަގަކުރުމަށް ޕީއެންސީން ބޭއްވި ބޮޑު އެއްވުމެއްގައި 13,000އަށް ވުރެ ގިނަ މީހުން ބައިވެރިވި ކަމަށް ރައީސް ވިދާޅުވިއެވެ. ޕީއެންސީގެ މެންބަރުން މި އެއްވުން ސިފަކުރަނީ ފަހުގެ ތާރީޚެއްގައި ބޭއްވުނު އެންމެ ބޮޑު ސިޔާސީ ހަރަކާތުގެ ގޮތުގައި ނަމަވެސް މި ޖަލްސާއާ ގުޅިގެން އިދިކޮޅާއި ބައެއް އާންމުންގެ ފާޑުކިޔުންތައްވެސް ވަނީ އަމާޒުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0