Read Time:2 Minute, 42 Second
(ފޮޓޯ ކްރެޑިޓްސް: ރައީސް އޮފީސް)
ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދު ވިދާޅުވީ، ދުޅަހެޔޮ މުސްތަޤުބަލެއް ކަށަވަރުކުރުމަށްޓަކައި ބޭނުންކުރާ ބޭހަކީ އޭގެ އެންމެ ރަނގަޅު އަސަރުކުރާ ބޭސްކަން ޔަޤީންކުރަން ޖެހޭނެ ކަމަށެވެ. ދުނިޔޭގެ އެންޓިމައިކްރޯބިއަލް ރެސިސްޓެންސް (އޭއެމްއާރް) އެވެއަރނެސް ވީކާއި ގުޅިގެން މީސްމީޑިއާގައި ކުރެއްވި ޕޯސްޓެއްގައި އެކަމަނާ ފާހަގަކުރެއްވީ، އޭއެމްއާރްއަކީ ޞިއްޙަތާއި ކާނާއަށާއި އިޤްތިޞާދަށްވެސް ހުރި ނުރައްކަލެއް ކަމެވެ.
މެޑަމް ސާޖިދާގެ މެސެޖުގައި، ދިވެހިރާއްޖެއިން ކުރިއަށް އޮތް 5 އަހަރަށް ތައްޔާރުކޮށް ތަންފީޒުކުރަމުންދާ ޤައުމީ އޭއެމްއާރް އެކްޝަން ޕްލޭންގެ ދެ އަމާޒެއްގެ މައްޗަށް އަލިއަޅުއްވާލެއްވިއެވެ. އެއީ އެންޓިބައޮޓިކް ބޭސް ޒިންމާދާރުކަމާއެކު ބޭނުންކުރުމާއި، އިންސާނުންނާއި ޖަނަވާރުތަކާއި ތިމާވެށީގެ ޞިއްޙަތުގެ ގުޅުން ދެނެގަނެ އެންމެންނަށް އެންމެ ރަނގަޅު ޞިއްޙީ ނަތީޖާއެއް ހޯދުމަށް އެއްބާރުލުން ދޭ “ވަން ހެލްތު” އުސޫލަށް ތާއީދުކުރުމެވެ. އދ. ސިއްޙަތު ޖަމްޢިއްޔާ (ޑަބްލިޔުއެޗްއޯ) އިން ފާހަގަކުރާ އޭއެމްއާރް ވީކްގެ ބޭނުމަކީ، ޖަރާސީމުތަކަށް ބޭހުގެ އަސަރުކުރާ މިންވަރު ކުޑަވާގޮތަށް ބޭސް ބޭނުންކުރުމާއި މެދު ހޭލުންތެރިކުރުވައި، ޑޮކްޓަރުންގެ އިރުޝާދުގެ ދަށުން ބޭސް ރަނގަޅަށް ބޭނުންކުރުމަށް ބާރުއަޅައި، މިކަމާއި ގުޅޭގޮތުން އާންމުންގެ މެދުގައި ހޭލުންތެރިކަން އިތުރުކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0