Read Time:2 Minute, 48 Second
ދުނިޔޭގެ އެންމެ ބޮޑު ފުޓްބޯޅަ މުބާރާތް ކަމަށްވާ ވޯލްޑް ކަޕަށް ކޮލިފައިވި އެންމެ ކުޑަ ގައުމުގެ ރެކޯޑު ދޮޅު ލައްކައެއްހާ މީހުންގެ އާބާދީއެއް އޮންނަ ކުރަކާއޯ އިން ހޯދައިފިއެވެ. މީގެ ކުރިން މި ރެކޯޑު އޮތީ 2018 ވަނަ އަހަރު ވޯލްޑް ކަޕް ކުޅުނު އައިސްލޭންޑް އަދި އަންނަ އަހަރު މުބާރާތުގައި ކުޅޭ ކޭޕް ވާޑޭގެ އަތުގައެވެ. ކުރަކާއޯ މި ރެކޯޑު މުގުރާލީ ޖެމެއިކާ ފަހަތަށްލައި ވޯލްޑް ކަޕުން ޖާގަ ހޯދުމުންނެވެ. އެމީހުން ކޮލިފައިވީ ގްރޫޕުގެ އެއްވަނަ އެއް ޕޮއިންޓްގެ ތަފާތުން ހޯދައިގެންނެވެ؛ ކުރަކާއޯއަށް 12 ޕޮއިންޓް ލިބުނުއިރު ޖެމެއިކާއަށް ލިބުނީ 11 ޕޮއިންޓެވެ.
ކުރަކާއޯއަކީ ވެނެޒުއޭލާއާ ޖެހިގެން ކެރީބިއަން ކަނޑުގައި އޮންނަ، ދޮޅު ލައްކައެއްހާ މީހުންގެ އާބާދީއެއް އޮންނަ ކުޑަ ގައުމެކެވެ. އެ ގައުމަކީ 100 ޕަސެންޓް މިނިވަން ގައުމެއް ނޫން ނަމަވެސް، ނެދަލޭންޑްސްއާ ގުޅުން ހުރި ގައުމެކެވެ. ކުރިން ސްޕެއިން އަދި ފަހުން ނެދަލޭންޑްސްގެ ދަށުގައި އޮތް މި ގައުމުގެ ރަސްމީ ބަސް ކަމަށްވާ ޕަޕިއަމެންޓޯގެ އިތުރުން ޑަޗް ބަހާއި އިނގިރޭސި ބަހުން ވެސް ވާހަކަ ދައްކައެވެ. ކުރަކާއޯގެ ގިނަ ކުޅުންތެރިންނަކީ ނެދަލޭންޑްސްގައި އުފަންވެ، ނެދަލޭންޑްސްގެ ޕާސްޕޯޓް ގެންގުޅޭ ކުޅުންތެރިންނެވެ. އެ ގައުމުގެ ކޯޗަކީ ނެދަލޭންޑްސްގެ ގައުމީ ކޯޗުކަން ތިން ފަހަރު ކޮށްފައިވާ މަޝްހޫރު ޑިކް އެޑްވޮކާޓެވެ. ކުޑަ ގައުމެއް ނަމަވެސް، ޖޫނީނިއޯ ބަކޫނާ، ލިއަންދްރޯ ބަކޫނާ، އަދި ޖޯޑީ ޕައުލީނާ ފަދަ މަޝްހޫރު ކުޅުންތެރިން ކުރަކާއޯ އިން ފެނިފައިވެއެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0