Read Time:2 Minute, 34 Second
(ފޮޓޯ ކްރެޑިޓްސް: ޕީއެސްއެމް ނިއުސް)
އޭއެފްސީ އޭޝިއަން ކަޕް ކޮލިފައިންގައި ދިވެހިރާއްޖެއާ ދެކޮޅަށް ކުޅުނު މެޗު 2-0 ގެ ނަތީޖާއަކުން ކާމިޔާބުކޮށް ފިލިޕީންސް ވަނީ ގްރޫޕްގެ އެއްވަނަ ދަމަހައްޓާފައެވެ. މެޗު ފެށުނުއިރުވެސް ބޯޅަ ގިނަ ވަގުތު ހިފަހައްޓައި ހަމަލާތައް އުފެއްދީ ފިލިޕީންސްއިންނެވެ. ފުރަތަމަ ހާފުގައި ދިވެހި ޓީމުން ރަނގަޅަށް ޑިފެންސް ކުރި ނަމަވެސް، 23 ވަނަ މިނެޓުގައި ލިބުނު ކޯނަރަކުން ޖެފަރސަން ތަބިނާސް ފިލިޕީންސްއަށް ލީޑު ނަގައިދިނެވެ. އަދި ފުރަތަމަ ހާފް ނިމެން 8 މިނެޓަށް ވެފައި ވަނިކޮށް ސަންދްރޯ ރެޔެސް ފިލިޕީންސްގެ ދެވަނަ ލަނޑު ކާމިޔާބުކުރިއިރު، ދިވެހި ޓީމަށް މި ހާފުގައި މާ ނުރައްކާތެރި ހަމަލާއެއް އުފެއްދިފައެއް ނުވެއެވެ.
ދެވަނަ ހާފަށް ދިވެހި ޓީމު ނުކުތީ ދެ ބަދަލަކާއެކުއެވެ. މި ހާފުގެ ކުރީކޮޅު ރާއްޖެއަށް ލަނޑު ޖަހާނެ ރަނގަޅު ފުރުސަތެއް ލިބުނު ނަމަވެސް ހަސަން ނާއިޒްއަށް އެ ފުރުސަތުގެ ބޭނުމެއް ނުހިފުނެވެ. މި މެޗުގައި އުމުރުން 17 އަހަރުގެ އީތަން އިބްރާހިމް ޒަކީ ވަނީ ޤައުމީ ޓީމަށް ފުރަތަމަ ފަހަރަށް ކުޅެފައެވެ. މި މެޗުން ލިބުނު 3 ޕޮއިންޓާއެކު ފިލިޕީންސް ވަނީ ކުޅުނު 5 މެޗުން 13 ޕޮއިންޓް ހަމަކޮށްފައެވެ. ދިވެހި ޓީމަށް މިހާތަނަށް އެއްވެސް ޕޮއިންޓެއް ލިބިފައި ނުވާތީ، ގްރޫޕްގެ ފުލުގައި އޮތްއިރު، އަންނަ އަހަރުގެ މާޗް މަހު ޓިމޯ ލެސްޓޭއާ ދެކޮޅަށް ފަހު މެޗު ކުޅޭނެއެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0