Read Time:2 Minute, 52 Second
(ފޮޓޯ ކްރެޑިޓްސް: މިހާރު)
ރައީސް ޑރ. މުހައްމަދު މުއިއްޒު ވިދާޅުވީ، ސަރުކާރުގެ ސިޔާސަތުގެ ސަބަބުން މިހާރު ރާއްޖޭގައި ގޭންގުތަކުގައި ޒުވާނުން ނޫޅޭ ކަމަށާއި، އެހެންކަމުން ގޭންގެއްގެ ގޮތުގައި ކަނޑައަޅާނެ ބަޔަކު ނެތް ކަމަށެވެ. ގޭންގުތަކާއި ރާވައިގެން ހިންގާ ކުށްތަކާ ދެކޮޅަށް މިދިޔަ އޮގަސްޓް މަހު އަމަލުކުރަން ފެށި އާ ގާނޫނުގެ ދަށުން މިހާތަނަށް އެއްވެސް ގޭންގެއް ކަނޑައަޅާފައެއް ނުވެއެވެ. ގާނޫނުގައި ވާގޮތުން ހޯމް މިނިސްޓަރަށް ކޯޓަށް ގޮސް ވަކި ގުރޫޕަކީ ގޭންގެއް ކަމަށް ކަނޑައެޅިދާނެއެވެ. ނަމަވެސް، ރައީސް ހޯމް މިނިސްޓަރު އަލީ އިހުސާން ގާތުން އޮޅުންފިލުއްވި އިރު، ޝަރުތު ހަމަވާ އެއްވެސް ގޭންގެއް ނެތް ކަމަށް ވިދާޅުވިއެވެ. ރައީސް ވިދާޅުވީ، ކުރިން ގޭންގުތަކުގައި އުޅުނު ފަރާތްތަކުން އެކަން ހުއްޓާލައި، މިހާރު ވިޔަފާރިކޮށް، އަބުރުވެރި ދިރިއުޅުމެއް އުޅެން ފަށާފައިވާ ކަމަށެވެ. އެމަނިކުފާނު މިކަން ސިފަކުރެއްވީ ވަރަށް ބޮޑު ކުރިއެރުމެއްގެ ގޮތުގައެވެ. ބޮޑެތި އަދަބުތައް ހިމަނައިގެން ގާނޫނުތައް ފާސްކުރަނީ ބަޔަކަށް އަދަބު ދިނުމުގެ ބަދަލުގައި ޒުވާނުން އެފަދަ ކަންކަމުން ދުރުކުރުމަށް ކަމަށް ރައީސް ވިދާޅުވިއެވެ. އެހެންނަމަވެސް، މިހާރުވެސް އެއްވެސް ގޭންގެއް އުޅޭ ކަމަށްވާ ނަމަ، ހޯމް މިނިސްޓްރީން އެކަން ޕްރޮސިކިއުޓާ ޖެނެރަލްގެ އޮފީހަށް ފޮނުވައި، ކޯޓަށް ހުށަހަޅައި ގާނޫނުގެ ދަށުން ފިޔަވަޅު އަޅާނެ ކަމަށް ރައީސް ވިދާޅުވިއެވެ. އެމަނިކުފާނު ވަނީ ގޭންގުތަކުގައި އުޅޭ ހުރިހާ ޒުވާނުންވެސް އެކަން ދޫކޮށްލަން އިލްތިމާސް ކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0