Read Time:3 Minute, 17 Second
އެފްރިކާގެ ޕްލޭއޯފް ފައިނަލުގައި ޕެނަލްޓީ ޖަހައިގެން ނައިޖީރިއާ 4-3އިން ބަލިކޮށް އެފްރިކާ ސަރަހައްދުން ވޯލްޑް ކަޕަށް ކޮލިފައިވާ އެންމެ ފަހު ގައުމަކަށް ވުމުގެ ފުރުސަތު ކޮންގޯ ހޯދައިފިއެވެ. މޮރޮކޯގައި ކުޅުނު ޕްލޭއޯފް ފައިނަލުގައި އެންމެ ފުރަތަމަ ލީޑް ހޯދީ ވެސް ނައިޖީރިއާ އެވެ. ފްރޭންކް އޮންޔެކާ ޖަހައިދިން ގޯލަށް ފަހު މެޗުގެ ނަތީޖާ ހަމަހަމަވީ ފުރަތަމަ ހާފު ނިމެނިކޮށް މެސްޗަކާ އެލިއާ ކޮންގޯ އަށް ޖަހައިދިން ގޯލުންނެވެ. އޭގެ ފަހުން ނަތީޖާ ހަމަހަމަވެ، ޕެނަލްޓީގައި ކޮންގޯ އަށް ކުރި ހޯދައިދިނީ ޗަންސެލް އެމްބެމްބާ އެވެ. މިއީ 1974 ވަނަ އަހަރުގެ ފަހުން ކޮންގޯ ވޯލްޑް ކަޕާ މިހާ ގާތަށް ދިޔަ ފުރަތަމަ ފަހަރެވެ.
އެފްރިކާގެ ފަހު ޖާގަ ހޯދަން އެ ގައުމު ދެން ވާދަ ކުރަން ޖެހޭނީ އެހެން ބައްރުތަކުގެ ޗެމްޕިއަނުންނާ އެވެ. ކޮންގޯ އަކީ 1968 އަދި 1974 ވަނަ އަހަރުގެ އެފްރިކާގެ ޗެމްޕިއަނުންނެވެ. ނަމަވެސް އެ ފަހުން ފުޓްބޯޅައިގައި އެ ގައުމުގެ ވިދުން ފެނިގެންދިޔައީ ވަރަށް ފަނޑުކޮށެވެ. އަދި މި ނަތީޖާ އަކީ ނައިޖީރިއާ ޖެހިޖެހިގެން ދެ ވަނަ ވޯލްޑް ކަޕުން ބޭރުވި ނަތީޖާ އެކެވެ. އެކަމަކު މިފަހަރުގެ ކޮލިފައިންގައި އެ ގައުމު ވަނީ ކުރިއަށްވުރެ ރަނގަޅު ނަތީޖާތަކެއް ހޯދައިފަ އެވެ. ޓީމުގެ އެންމެ މުހިންމު ފޯވަޑް ވިކްޓަރ އޮސިމްހެން މެޗަށް ފަހު ހުރީ ރޮވިފަ އެވެ.
އަންނަ އަހަރުގެ ޖޫން މަހު އެމެރިކާ އާއި މެކްސިކޯ އަދި ކެނެޑާ ގުޅިގެން ބާއްވާ ވޯލްޑް ކަޕުގައި ފުރަތަމަ ފަހަރަށް 48 ގައުމު ވާދަކުރާނެ އެވެ. މީގެ ތެރެއިން އެފްރިކާ އަށް ލިބިފައިވާ ޖާގަތަކަށް މިހާތަނަށް ކޮލިފައިވެފައިވެފައިވަނީ އަލްޖީރިއާ އާއި ކޭޕްވާޑޭ އަދި އައިވަރީ ކޯސްޜާއި މިސުރުގެ އިތުރުން ގާނާ އާއި މޮރޮކޯ އާއި ސެނެގާލް އަދި ދެކުނު އެފްރިކާ އާއި ޓިއުނީޝިއާ އެވެ.
އެފްރިކާ ސަރަހައްދުން
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0