Read Time:3 Minute, 0 Second
(ފޮޓޯ ކްރެޑިޓްސް: މިހާރު)
ފެމިލީ ކޯޓުން ހުކުމްކުރި ގޮތުގައި ރައީސް ޑރ. މުހައްމަދު މުއިއްޒުގެ ދަރިކަލަކާ ގުޅޭގޮތުން އެމްޑީޕީގެ އެކްޓިވިސްޓް މަރިޔަމް ޒުބައިރު (މަންދީ) ދެއްކި ވާހަކަތަކާ ގުޅިގެން އެމްޑީޕީ އާއި އެ ޕާޓީގެ ޗެއާޕާސަން ފައްޔާޒް އިސްމާއިލްގެ ކިބައިން ބަދަލު ހޯދުމުގެ ހައްގު ފަސްޓްލޭޑީ ސާޖިދާ މުހައްމަދަށް ލިބިވަޑައިގަންނަވާނެއެވެ. މި މައްސަލައަކީ އެމްޑީޕީން މިދިޔަ މާޗް މަހު ބޭއްވި މުޒާހަރާއެއްގައި، ރާއްޖޭގައި ވޭޕް މަނާކުރަން ރައީސް ނިންމެވި ނިންމެވުން އެމަނިކުފާނުގެ ދަރިކަލަކާ ގުޅުވައިގެން މަންދީ އާއި އަހުމަދު ސަލީމް (މާޒް) ދެއްކި ވާހަކަތަކާ ގުޅިގެން ފަސްޓްލޭޑީ ކޯޓަށް ހުށަހެޅި މައްސަލައެކެވެ. ފެމިލީ ކޯޓުން ކަނޑައެޅި ގޮތުގައި އެ ވާހަކަތަކުން ރައީސްގެ ދަރިކަލުންގެ ރައްކާތެރިކަމާއި ކަރާމާތް ގެއްލިފައިވެއެވެ. އަދި އެ ވާހަކަތައް މަނާކުރުމުގެ ބަދަލުގައި އެކަމަށް ހިތްވަރު ދީފައިވާތީ، އެމްޑީޕީ އާއި ފައްޔާޒް އެކަމަށް ޒިންމާވާން ޖެހެއެވެ.
މި މައްސަލަ މީގެ ކުރިން ސިވިލް ކޯޓަށް ވެސް ހުށަހަޅާފައިވެއެވެ. ސިވިލް ކޯޓުން މިދިޔަ ޖުލައި މަހު ނިންމާފައިވަނީ މަންދީގެ ވާހަކަތަކުގެ ސަބަބުން ގެއްލުމުގެ ބަދަލު ހޯދުމުގެ ހައްގު ފަސްޓްލޭޑީއަށް ލިބިވަޑައިގަންނާނެ ކަމަށެވެ. ނަމަވެސް އެއިރު ސިވިލް ކޯޓުން ބުނެފައިވަނީ ފައްޔާޒާއި އެމްޑީޕީން ސީދާ ގޮތެއްގައި ކުރި ކަމަކަށް ނުވާތީ އެ ދެ ފަރާތް ޒިންމާވާން ނުޖެހޭނެ ކަމަށެވެ. ބަދަލު ހޯދުމުގެ ހައްގު ލިބިފައިވީނަމަވެސް، މިހާތަނަށް ގެއްލުމުގެ ބަދަލު ހޯދުމަށް ފަސްޓްލޭޑީގެ ފަރާތްޕުޅުން ދައުވާއެއް ހުށަހަޅާފައެއް ނުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0