Read Time:2 Minute, 29 Second
(ފޮޓޯ ކްރެޑިޓްސް: ރައީސް އޮފީސް)
ރައީސް ޑރ. މުހައްމަދު މުއިއްޒު ވިދާޅުވެފައިވަނީ، ދިވެހި ރައްޔިތުންނާއި ސަރުކާރުން އަބަދުވެސް ފަލަސްތީނާއެކު އެކުވެރިކަމާއެކު ދެމިތިބޭނެ ކަމަށެވެ. ފަލަސްތީނުގެ މިނިވަން ދުވަހާ ގުޅިގެން އެކްސްގައި ކުރެއްވި ޕޯސްޓެއްގައި ރައީސް ވަނީ 1967 ވަނަ އަހަރުގެ ބައިނަލްއަގްވާމީ އިންތަކުގެ މައްޗަށް ބިނާކޮށް، އިރުމަތީ ގުދުސްއަކީ ފަލަސްތީނުގެ ވެރިކަން ކުރާ ރަށްކަމުގައި ކަނޑައަޅައި، މިނިވަން އަދި ފުރިހަމަ ސިޔާދަތީ ބާރު ލިބިގެންވާ ދައުލަތެއްގެ ގޮތުގައި ފަލަސްތީނު ގާއިމުކުރުމަށް ރާއްޖެއިން އަބަދުވެސް ވަކާލާތު ކުރާނެ ކަމަށް ވިދާޅުވެފައެވެ. މި ތާރީހީ ދުވަހުގެ ތަހުނިޔާ ފަލަސްތީނުގެ ރައީސްއަށާއި، ބޮޑުވަޒީރަށާއި، ސަރުކާރަށާއި އަދި އެންމެހާ ރައްޔިތުންނަށް ރައީސް ފޮނުއްވިއެވެ.
ކޮންމެ އަހަރެއްގެ ނޮވެމްބަރު މަހުގެ 15 ވަނަ ދުވަހަކީ ފަލަސްތީނުގެ މިނިވަން ދުވަސް ކަމަށްވާއިރު، މިދުވަސް ފާހަގަކުރަނީ 1988 ގައި ޔާސިރު އަރަފާތު މިނިވަންކަން އިޢުލާން ކުރެއްވުމާ ގުޅުވައިގެނެވެ. މި ދުވަސް ފާހަގަކުރަމުންދާއިރު، އިސްރާއީލުން ދަނީ ޣައްޒާއަށާއި ހުޅަނގު އައްސޭރިއަށް ހަމަލާތައް ދެމުން ކަމަށާއި، މި ހަމަލާތަކުގައި ޣައްޒާއިން އެކަނި ވެސް 70,000 އަށް ވުރެ ގިނަ މީހުން ޝަހީދުކޮށްލާފައިވާ ކަމަށް ވެސް އެ ޕޯސްޓްގައި ބުނެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0