Read Time:2 Minute, 38 Second
(ފޮޓޯ ކްރެޑިޓްސް: މިހާރު)
ރައީސް ޑރ. މުހައްމަދު މުއިއްޒުގެ އެންގެވުމުގެ ދަށުން 500 އަށް ވުރެ ގިނަ ފުލުހުން ނެރެ ޑްރަގް ގެންގުޅޭ ކަމަށް ބެލެވޭ 100 އަށް ވުރެ ގިނަ ތަންތަން ބަލައިފާސްކުރަން ފަށައިފިއެވެ. ރައީސް ޑރ. މުއިއްޒު އެކްސްގައި ކުރެއްވި ޕޯސްޓެއްގައި ވިދާޅުވީ، ދިވެހިރާއްޖެއަކީ ޑްރަގްގެ ވަބާއިން އެއްކޮށް ސަލާމަތްވެފައިވާ ގައުމަކަށް ހެދުމަށް ސަރުކާރުން ދަނީ ގިނަ މަސައްކަތްތަކެއް ކުރަމުން ކަމަށެވެ. އެގޮތުން މަސްތުވާތަކެއްޗާ ދެކޮޅަށް ކުރަމުންދާ މަސައްކަތުގެ ތެރެއިން މުޅި ރާއްޖޭގައި އޮޕަރޭޝަނެއް ހިންގުމަށް އެމަނިކުފާނު ފުލުހުންނަށް އަންގަވާފައިވާ ކަމަށް ވިދާޅުވިއެވެ. އަދި އެ އޮޕަރޭޝަނަކީ ޑްރަގް ވިޔަފާރީގައި ބައިވެރިވާ ފަރާތްތަކާ ދެކޮޅަށް ހާއްސަކޮށް ފެށި މަސައްކަތެއްގެ ގޮތުގައި ސިފަކުރެއްވިއެވެ.
އެމަނިކުފާނު ވިދާޅުވި ގޮތުގައި އެ އޮޕަރޭޝަނުގައި 500 އަށް ވުރެ ގިނަ ފުލުހުން ނުކުމެ 100 އަށް ވުރެ ގިނަ ތަން ބަލައިފާސްކުރާނެއެވެ. “މިގޮތުން ޑްރަގުގެ ވިޔަފާރީގަ ބައިވެރިވާ ފަރާތްތަކާއި ދެކޮޅަށް ޙާއްސަ ކޮށްގެން މިއަދު އޮޕަރޭޝަނެއް ހިންގުމަށް އަޅުގަނޑުވާނީ ފުލުހުންނަށް އަންގާފަ. އެއްވަގުތެއްގައި ރާއްޖޭގެ 100 އަށްވުރެ ގިނަ ތަންތަން ބަލާ ފާސްކުރެވޭ މި އޮޕަރޭޝަނުގައި 500 އަށްވުރެ ގިނަ ފުލުހުން ބައިވެރިވާނެ،” ރައީސް ވިދާޅުވިއެވެ. އެ އޮޕަރޭޝަނަށް ފުލުހުން ދީފައިވާ ނަމަކީ އޮޕަރޭޝަން “އަލިމަގު” އެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0