Read Time:1 Minute, 47 Second
ފުވައްމުލަކުގައި ދެ ދުވަހަށް ފަހު ރޭން ފެށިގެން ގިނަ ގޭގެއަށް ފެނުގެ ހިދުމަތް ލިބެން ފަށާފައިވާ ކަމަށް ފެނަކައިގެ މެނޭޖިން ޑިރެކްޓަރު މުހައްމަދު ނަޖާހު މިއަދު ވިދާޅުވެއްޖެ އެވެ. ނަމަވެސް ބައެއް ގޭގެއަށް ފެން ނުލިބެނީ “ކްރޮސް ކަނެކްޝަން” ހެދިފައި ހުރެގެން ނުވަތަ މީޓަރުގެ ވޭލް ބަންދުކޮށްފައި ހުރެގެން ކަމަށް އޭނާ ވިދާޅުވި އެވެ.
ފުވައްމުލަކުގައި ފެނުގެ ހިދުމަތް ކަނޑާލާފައިވަނީ މިދިޔަ ހޯމަ ދުވަހު ފެން ތަޣައްޔަރުވުމުންނެވެ. ރައީސް އޮފީހުން ކުރިން ބުނީ ހައެއްކަ ގަޑިއިރު ތެރޭގައި ފެން ދޫކުރަން ފަށާނެ ކަމަށެވެ. ނަޖާހު ވިދާޅުވީ މައި ނެޓްވޯކްގެ މައްސަލަ ހައްލުވެ، ފެން ޓެސްޓް ކުރުމަށް ފަހު އިއްޔެ ހަވީރުން ފެށިގެން ފެން ދޫކުރަން ފަށާފައިވާ ކަމަށެވެ. ކްރޮސް ކަނެކްޝަން ހުރި ގެތައް އަމިއްލައަށް އެކަން ހައްލުކުރެވޭނެ ކަމަށާއި ފެނަކައިގެ އެހީތެރިކަން ބޭނުންފުޅުވާނަމަ ފޯރުކޮށްދޭނެ ކަމަށް ވެސް އޭނާ ވިދާޅުވި އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
0
0