Read Time:1 Minute, 45 Second
(ފޮޓޯ ކްރެޑިޓްސް: މިހާރު)
ރައީސް ޑރ. މުހައްމަދު މުއިއްޒު ވަނީ އަންނަ އަހަރުގެ ރޯދަމަހު ވެސް ސަރުކާރުގެ ފަރާތުން ރޯދަ ހަދިޔާގެ ގޮތުގައި ކޮންމެ ގޭބީސީއަކަށް މަސްދަޅު ކޭހެއް ބަހަން ނިންމަވާފައެވެ. ލޯކަލް ގަވަމަންޓް މިނިސްޓަރު އާދަމް ޝަރީފް ވިދާޅުވީ އަންނަ ފެބްރުއަރީ 18 ގައި ފަށާ ރޯދަމަހަށް މިގޮތަށް މަސްދަޅު ދޫކުރާނެ ކަމަށެވެ. މިހާރުން މިހާރަށް ވެސް ބައެއް ރަށްރަށުގެ ކައުންސިލްތަކުން ވަނީ ގޭބީސީތަކުގެ މައުލޫމާތު ނަގަން ފަށާފައެވެ. މިދިޔަ އަހަރު ސަރުކާރުން 108،000 އަށް ވުރެ ގިނަ މަސްދަޅު ކޭސް ބަހާފައިވާއިރު، އެކަމަށް 79.4 މިލިއަން ރުފިޔާ ހޭދަވެފައިވެއެވެ. މިފްކޯއިން ކޮންމެ ކޭހަކަށް 30ރ. ޑިސްކައުންޓެއް ދިނުމުން، ސަރުކާރަށް ކޭހެއްގެ ހަރަދުވީ 730ރ. އެވެ. މާލޭ ސަރަހައްދުގައި މަސްދަޅު ބެހުމުގައި ދައުލަތުގެ ކުންފުނިތަކާއި ސިފައިންގެ އެހީތެރިކަން ލިބުނުއިރު، ރަށްރަށުގައި ބެހީ ކައުންސިލްތަކާ ހަވާލުކޮށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0