Read Time:2 Minute, 4 Second
ރައީސް ޑރ. މުހައްމަދު މުއިއްޒު މިއަދު ވަނީ މޯލްޑިވްސް ކަރެކްޝަނަލް ސާވިސްގެ މައި އިދާރާގެ އާ އިމާރާތް ހުޅުމާލޭ ޖަލުގެ ގޯތިތެރޭގައި ރަސްމީކޮށް ހުޅުއްވައިދެއްވާފައެވެ. މި ރަސްމިއްޔާތަށް ވަޑައިގަތުމުން އެމަނިކުފާނަށް މަރުޙަބާ ދެންނެވީ ހޯމް މިނިސްޓަރު ޢަލީ ޢިހްސާނާއި ކޮމިޝަނަރު އޮފް ޕްރިޒަންސް ހުސައިން ޒަރީރެވެ. އަދި ޝަރަފުގެ ގާޑެއް ވަނީ އަރުވާފައެވެ. ރައީސް މުއިއްޒު އިމާރާތުގެ ނަންބޯޑުގައި ދަމާފައިވާ ފޮތިގަނޑު ރިމޯޓުން ކައްސަވާލައްވައިގެން އިމާރާތް ހުޅުއްވައިދެއްވިއެވެ. މިއީ ކަރެކްޝަނަލް ސާވިސްގެ އަމިއްލަ ބިމެއްގައި ބިނާކުރެވުނު ފުރަތަމަ ހެޑްކުއާޓާސް އިމާރާތެވެ. ދެ ފަންގިފިލާގެ މައްޗަށް އެކުލެވޭ މި އިމާރާތުގެ ބޮޑުމިނަކީ 12,000 އަކަފޫޓެވެ. އެމަނިކުފާނު ވަނީ މި އިމާރާތުގައި މެހެމާނުން ސޮއިކުރާ ފޮތުގައި ސޮއިކުރައްވާފައެވެ.
ސޯޅަ މަސްދުވަހުގެ ތެރޭގައި ނިންމާލެވުނު މި އިމާރާތުގައި، އެމް.ސީ.އެސް ހެޑްކުއާޓާސްގެ 15 ސެކްޝަން އަދި ޑިވިޝަނާއި ކޮމާންޑް ހިމެނޭހެން، 170 އަށް ވުރެ ގިނަ އޮފިސަރުންނާއި މުވައްޒަފުން މަސައްކަތްކުރާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0