ރާއްޖެއާއި ޔޫއޭއީން ޖޮއިންޓް ޓޫރިޒަމް ވޯކިން ގްރޫޕެއް އެކުލަވާލަނީ

Read Time:3 Minute, 47 Second

(ފޮޓޯ ކްރެޑިޓްސް: މިނިސްޓްރީ އޮފް ޓޫރިޒަމް)

ދިވެހިރާއްޖެއާއި ޔޫއޭއީއާއި ދެމެދު ފަތުރުވެރިކަމުގެ ދާއިރާއިން ގުޅިގެން މަސައްކަތްކުރުމަށް ޖޮއިންޓް ޓޫރިޒަމް ވޯކިން ގްރޫޕެއް އެކުލަވާލުމަށް އެއްބަސްވެއްޖެއެވެ. މިގޮތަށް އެއްބަސްވެފައިވަނީ ފަތުރުވެރިކަމާ ތިމާވެއްޓާ ބެހޭ ވަޒީރު ޠާރިޤު އިބްރާހީމް މިހާރު ސައުދީއަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ. ސައުދީ އަރަބިއްޔާގެ ރިޔާދުގައި ކުރިއަށްދާ ޔޫއެން ޓޫރިޒަމް ޖެނެރަލް އެސެމްބްލީގައި ބައިވެރިވެވަޑައިގަތުމަށް އެ ގައުމަށް ކުރައްވަމުން ގެންދަވާ ދަތުރުފުޅުގެ ތެރެއިން ފަތުރުވެރިކަމާ ބެހޭ ވަޒީރު ތާރިޤް އިބްރާހިމް ވަނީ ޔޫއޭއީގެ ފަތުރުވެރިކަމާއި އިޤްތިޞާދާއި ބެހޭ ވަޒީރު އަބްދުﷲ ބިން ތޫގް އަލް މަރީއާއި ބައްދަލުކުރައްވާފައެވެ.

Minister @ThoriqIbrahim met with H.E. Abdulla Bin Touq Al Marri, UAE Minister of Economy & Tourism, on the sidelines of the #UNTGA26.

The two Ministers agreed to establish a Joint Tourism Working Group, focusing on sustainability, renewable energy, and capacity building to… pic.twitter.com/pimpoDow3J

— Ministry of Tourism and Environment (@MoTmv) November 10, 2025

މި ބައްދަލުކުރެއްވުމުގައި ވަނީ ރާއްޖެއާއި ޔޫއޭއީއާއި ގުޅިގެން ޖޮއިންޓް ޓޫރިޒަމް ވޯކިންގ ގްރޫޕެއް އެކުލަވާލުމަށް އެއްބަސްވެފައެވެ. މި ވޯކިން ގްރޫޕް ވެގެންދާނީ ފަތުރުވެރިކަމުގެ ދާއިރާގައި ދެމެހެއްޓެނިވި، އިއާދަކުރަނިވި ހަކަތަ، އަދި މީހުން ބިނާކުރުމަށް އެހީތެރިވެދޭ ވޯކިން ގްރޫޕަކަށްކަމަށް ފަތުރުވެރިކަމާ ބެހޭ ވުޒާރާއިން ވަނީ ވިދާޅުވެފައެވެ. މީގެއިތުރުން 2 ގައުމުގެ ގުޅުންވެސް މިއާއިއެކު ބަދަހިވެގެންދާނެކަމަށް ފަތުރުވެރިކަމާއި ތިމާވެއްޓާއި ބެހޭ ވުޒާރާއިން ވަނީ ވިދާޅުވެފައެވެ.

އ.ދ. ގެ ފަތުރުވެރިކަމާ ބެހޭ ޖަމްޢިއްޔާގެ އާއްމު ބައްދަލުވުމުން ކުރިއަށްދަނީ މިަމހުގެ 7 އިން 11 އަށެވެ. މި އަހަރުގެ ބައްދަލުވުން ކުރިއަށްދަނީ “އޭ.އައި. ޕަވަރޑް ޓޫރިޒަމް: ރީޑިފައިނިންގ ދަ ފިއުޗަރ” މި ޝިއާރުގެ ދަށުންނެވެ. މި ބައްދަލުވުމުގައި ވައިސް-ޕްރެޒިޑެންޓްގެ ހައިސިއްޔަތުން މިމަހުގެ 9 ވަނަ ދުވަހު ބޭއްވި އާއްމު ބައްދަލުވުމުގެ ރިޔާސަތު ބެލެހެއްޓެވީ ފަތުރުވެރިކަމާ ތިމާވެއްޓާ ބެހޭ ވަޒީރު ޠާރިޤު އިބްރާހީމެވެ.