Read Time:3 Minute, 4 Second
(ފޮޓޯ ކްރެޑިޓްސް: ޕީޢެސްއެމް ނިއުސް)
ނޭޝަނަލް ޕޭ ކޮމިޝަނުން ހާމަކުރައްވާ ގޮތުގައި، ދައުލަތުގެ މުވައްޒަފުންގެ މުސާރަ އެއްހަމަ ކުރުމަށްޓަކައި އެކުލަވާލާފައިވާ ޕޭ ފްރޭމްވޯކުގެ ދަށުން 20،000 އަށްވުރެ ގިނަ މުވައްޒަފުންގެ މުސާރައަށް ހެޔޮ ބަދަލު އަންނާނެއެވެ. ދައުލަތުގެ ހުރިހާ އިދާރާއެއްގެ މުސާރައާއި އިނާޔަތް އެއްހަމަ ކުރުމަށް އަމާޒުކޮށްފައިވާ މި ފްރޭމްވޯކުގެ 8 ވަނަ އިސްލާހުގެ ތެރެއިން 3 ދާއިރާއެއްގެ މުވައްޒަފުންގެ މުސާރަ އެއްހަމަ ކުރެވޭނެއެވެ. ރައީސް ޑރ. މުޙައްމަދު މުޢިއްޒު މިއަހަރުގެ ފެބްރުއަރީ 6 ގައި އިޢުލާންކުރެއްވި ގޮތުގައި ސިވިލް ސަރވިސްއާއި ކައުންސިލްތަކުގެ މުވައްޒަފުންގެ މުސާރަ ބޮޑުވާނެއެވެ.
މި ބަދަލުގެ ތެރެއިން ސިވިލް ސަރވިސް އާއި ޖުޑިޝަރީ ދާއިރާއަށް އަސަރު ކުރާނެއެވެ. ނޭޝަނަލް ޕޭ ކޮމިޝަނުގެ މެންބަރު ރަންދާ ފުޢާދު ވިދާޅުވި ގޮތުގައި މިއީ ގިނަ ދިރާސާތަކަށް ފަހު ގެނެވުނު ބަދަލެއް ކަމަށާއި، މި ބަދަލާއެކު އެކި އިދާރާތަކުގައި ހުރި އެއް ފަންނެއްގެ އެއް ރޭންކެއްގެ މުސާރައިގެ ފަރަގުތައް ނައްތާލެވޭނެ ކަމަށެވެ. އަދި ނޮވެންބަރު 1 ން ފެށިގެން ޢަމަލުކުރަން ފެށި މި ބަދަލުން 300 އަށްވުރެ ގިނަ ޖޮބް މެޓްރިކްސް އެކުލަވާލެވިފައިވާ ކަމަށް ޕޭ ކޮމިޝަނުން ވިދާޅުވެއެވެ. މެންބަރު އަފާފް އިބްރާހީމް އަލިދީދީ ވިދާޅުވީ މިކަމުން ޤައުމަށް ބޭނުންވާ މަސައްކަތްތެރިން ފާހަގަކުރެވި، މުސްތަޤުބަލަށް ބޭނުންވާ ވޯކްފޯސް ރޭވުމަށް އެހީތެރިވާނެ ކަމަށެވެ. ޕޭ ކޮމިޝަނުން ވަނީ މި އޮނިގަނޑުގެ ދަށުން އެއްވެސް މުވައްޒަފެއްގެ މުސާރަ ދަށްނުވާނެ ކަމަށާއި، މިނިމަމް ވޭޖަށް ވުރެ ދަށްނުވާނެ ކަމުގެ ޔަޤީންކަން ދެއްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0