Read Time:2 Minute, 43 Second
(ފޮޓޯ ކްރެޑިޓްސް: ރައީސް އޮފީސް)
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ތުއްތު ޖީލަށް ކާބަފައިންގެ ޤުރުބާނީތައް ކިޔައިދިނުމަށް އެދިވަޑައިގެންފައެވެ. ޤައުމު ދިފާޢުކުރުމަށްޓަކައި އަމިއްލަ ނަފްސު ޤުރުބާންކުރެއްވި ޝަހީދުންގެ ހަނދާން އައުކުރައްވާނެކަމަށާއި، ދިވެހިވަންތަކަން އަންނަން އޮތް ޖީލުތަކަށް ފޯރުކޮށްދިނުމަށް އަބްޠާލުން ކުރެއްވި ޖިހާދުން އިބުރަތް ލިބިގަނެ، އެކަން ދަސްކޮށްދޭން ޖެހޭކަމަށް ރައީސް ފާހަގަކުރެއްވިއެވެ.
ދިވެހި ޤައުމިއްޔަތު އިޔާދަކޮށް ދިރުވައި އާލާކުރަންޖެހެނީ، އަޅުގަނޑުމެންނަކީ ކޮންބައެއްކަމާއި، ޤައުމު މިހާ ހަމައަށް ގެނައުމުގައި ޤުރުބާންވި ފަރާތްތަކާއި އެ ޤުރުބާނީތަކަކީ ކޮބައިކަން ޒުވާނުންނަށް ދަސްކޮށްދިނުމަށްޓަކައި ކަމަށް ރައީސް ވިދާޅުވިއެވެ. ޒުވާނުންނަށް މިކަންކަން އަންގައިދިނުމުގެ ގޮތުން ފެށި މަސައްކަތުގެ ނަތީޖާ ފެންނަމުންދާކަމަށާއި، ރައްޔިތުންގެ އެއްބާރުލުމާއެކު މިހާރު ކުރިއަށްގެންދާ ގިނަ މަސައްކަތްތައް ކާމިޔާބީއާ ހަމައަށްދާކަމަށް އެމަނިކުފާނު ވިދާޅުވިއެވެ.
ޤައުމީ ޚިދުމަތުގައި ބައިވެރިވުމަށް ޒުވާނުންނަށް ފުރުޞަތު ހުޅުވާލުމުން ޖާގައޮތް މިންވަރުގެ 4 ގުނަ އިތުރަށް ބައިވެރިވުމަށް ކުރިމަތިލާފައިވާކަމަށާއި، މިހާރު ކުރިއަށްދާ ތަމްރީން ޕްރޮގްރާމްގެ އިތުރަށް ކޮންމެ އަހަރަކު މަދުވެގެން 1000 ކުދިން ތަމްރީންކުރަމުން ގެންދާނެކަމަށްވެސް ރައީސް ޑރ. މުޢިއްޒު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0