Read Time:1 Minute, 49 Second
(ފޮޓޯ ކްރެޑިޓްސް: ހޭންޑްބޯލް އެސޯސިއޭޝަން)
ފުރަތަމަ ފަހަރަށް ބާއްވާ ކޮމަންވެލްތު ބީޗް ހޭންޑްބޯޅަ މުބާރާތުގެ ފައިނަލްގެ ފަހު ޖާގަ ސްރީ ލަންކާއިން ހޯދައިފިއެވެ. ކޮމަންވެލްތުގެ ގައުމުތަކަށް ދައުވަތުދީގެން ބާއްވާ މި މުބާރާތް ކުރިއަށްދާނީ މިއަދުގެ ނިޔަލަށް ކުޅުދުއްފުށި ސިޓީގައި ގާއިމުކޮށްފައިވާ ބައިނަލްއަގުވާމީ ފެންވަރުގެ ބީޗް ހޭންޑްބޯޅަ ކޯޓުގައެވެ. އިއްޔެ ހަވީރު ކުޅުނު ސެމީ ފައިނަލް ދެވަނަ މެޗު ލަންކާއިން ކާމިޔާބުކުރީ ސީދާ ދެ ސެޓުންނެވެ. މި މެޗުގެ ފުރަތަމަ ސެޓު ލަންކާއިން ގެންދިޔައީ ވާދަވެރި ކުޅުމަކަށްފަހު 14-12 އިންނެވެ. އަދި ދެވަނަ ސެޓު އެ ޓީމުން ގެންގޮސްފައިވަނީ 24-14 އިންނެވެ.
މި މުބާރާތުގެ ފައިނަލް މެޗު މިރޭ ކުޅޭއިރު، މި މެޗުގައި ވާދަކުރާނީ ލަންކާ އާއި ޕާކިސްތާނެވެ. އަދި މިއަދު ހަވީރު ކުޅޭ ތިންވަނަ ހޮވާ މެޗުގައި ވާދަކުރާނީ ރާއްޖެ އާއި ބަންގްލަދޭޝްއެވެ. ކޮމަންވެލްތު ބީޗް ހޭންޑްބޯޅަ މުބާރާތުގައި ހަ ޓީމެއް ވާދަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0