
އައްޑު އަތޮޅުގެ ހުރިހާ ރަށެއްގައި ވަކި ކައުންސިލްތަކެއް އުފެއްދުމާމެދު ރައްޔިތުންގެ ފެންނަ ނުފެންނަ ވޯޓެއް ނެގުމަށް ސަރުކާރުން ނިންމަވާފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. “ރައްޔިތުންނާ އެކު” ޕޮޑްކާސްޓްގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ އައްޑޫ ރައްޔިތުންގެ މެދުގައި ފެންނަ ނުފެންނަ ވޯޓެއް ނަގަން ބޭނުންވަނީ ރިޔާސީ އިންތިޚާބުގެ ދުވަސްވަރު އައްޑޫގެ ބައެއް ރަށްރަށުން އެގޮތަށް އެދިފައިވާކަމަށެވެ. އެހެންކަމުން އެކަމާމެދު ގޮތެއް ނިންމަވައިދެއްވަން އެމަނިކުފާނު ވަނީ ވައުދުވެވަޑައިގެންފައެވެ.
ފެންނަ ނުފެންނަ ވޯޓާއި ގުޅޭގޮތުން ރައީސުލްޖުމްހޫރިއްޔާ ވިދާޅުވީ، އައްޑޫގައި ނަގާ މިވޯޓު ވެގެންދާނީ، ތާރީޚީ ވޯޓަކަށްކަމަށެވެ. އިއްޔެ ތަސްދީގުކުރެއްވި ރައްޔިތުންގެ ޚިޔާލު ހޯދުމުގެ ޢާންމު ވޯޓު ނެގުމުގެ ބިލާއެކު މިއީ ޤާނުނުގެދަށުން ނަގާ ފުރަތަމަ ވޯޓަށް ވެގެންދާނެއެވެ. ރައީސުލްޖުމްހޫރިއްޔާ ވިދާޅުވީ އައްޑޫ ސިޓީއެއްގެ ގޮތުގައި އެއް ކައުންސިލެއްގެ ބެލުމުގެދަށުން ހިންގަމުންދާތީ އެކމަުގައި އެސިޓީގެ އެކި ރަށްތަކުގެ ރައްޔިތުންގެ ޚިޔާލު ތަފާތުވުންތަކެއް ހުރިކަމަށެވެ. ގިނަ ރަށްތަކެއްގެ މައްޗަށް ސިޓީ އެކުލެވިގެންވުމާއެކު، އެއް ހަމައަކުން ޚިދުމަތްތައް ލިބުމުގައި އެކި ރަށްތަކުގެ ތަފާތުތައް ހުރިކަމުގެ ޝަކުވާ ލިބެމުންދާކަން ރައީސް ފާހަގަކުރެއްވިއެވެ.
ރައީސުލްޖުމްހޫރިއްޔާ ވިދާޅުވީ، މިކަމާމެދު ރައްޔިތުން ބޭނުންވާގޮތެއް ނިންމުމަށް، އެކަމުގައި އައްޑޫގެ ހުރިހާ ރަށްތަކުގައި ފެންނަ ނުފެއްނަ ވޯޓެއް ނެގުމަށް ނިންމާފަވާކަމަށެވެ. އަދި އަންނަ އަހަރު ބާއްވާ ލޯކަލް ކައުންސިލް އިންތިޚާބު ކުރިން، އެކަމާމެދު ގޮތެއް ނިންމަންޖެހޭކަމަށް ރައީސް ވިދާޅުވިއެވެ. “އޮކްޓޯބަރު މަހު ވޯޓެއް ނަގާ، ނަތީޖާއެއް އެބަ ބޭނުންވޭ. ސަރުކާރުން ގޮތެއް ނިންމާ އިލެކްޝަން ކޮމިޝަނަށް ހުށައެޅުމަށް ލޯކަލް ކައުންސިލް އިންތިޚާހުގެ ކަންކަން ގެންދެވޭނީ. މި ވޯޓް ވެގެންދާނީ ތާރީޚީ ވޯޓަކަށް” ރައީސުލްޖުމްހުރިއްޔާ ޑރ. މުޙައްމަދު މުޢިއްޒު ވިދާޅުވިއެވެ.
ރައީސް ވިދާޅުވީ އައްޑޫ ލާމަރުކަޒުކުރާނެގޮތް ނިންމާނީ އެސިޓީގެ ރައްޔިތުންކަމަށާއި، މިހާ ބޮޑު ނިންމުމެއް ރައްޔިތުންގެ ޚިޔާލަށް ނާހާ ނުނިންމާނެކަމަށެވެ. ފެންނަ ނުފެންނަ ވޯޓެއްގެ ސަބަބުން އައްޑޫގެ ކައުންސިލްތަކަށް އަންނާނެ ބަދަލު ރައީސް ވަނީ ތަފްސީލްކޮށްދެއްވާފައެވެ.
“މިސާލަކަށް ހުޅުދޫ ރައްޔިތުންގެ މެދުގަ ނަގާނީ ވޯޓެއް، ވޯޓުގައި ހިމަނާ ސުވާލުގައި ބަލާނީ އައްޑޫ ހުޅުދޫ ކައުންސިލްގެ ގޮތުގައި އޮންނާނީތޯ ނޫނީ އައްޑޫ ސިޓީ ކައުންސިލްގެ ބައެއްގެ ގޮތުގައި އޮންނާނީތޯ. މީދޫވެސް، ހިތަދޫވެސް، މިހެންގޮސް އައްޑޫގެ ހުރިހާ ރަށްތަކެއްގަ މި ވޯޓު ނަގާނީ، އެރަށެއްގެ ކައުންސިލް އޮންނަންބޭނުންވާ ގޮތުގެ” ރައީސް ވިދާޅުވިއެވެ. ރައްޔިތުންގެ ޚިޔާލު ހޯދުމުގެ ޢާއްމު ވޯޓު ނެގުމުގެ ބިލު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަސްދީޤުކުރެއްވީ އިއްޔެއެވެ.
އާންމުންގެ ޚިޔާލު ހޯދުމަށް ވޯޓު ނެގޭނެ ގޮތްތައް ބަޔާންކުރާ އެޤާނޫނުގަައި ރައްޔިތުންގެ ޚިޔާލު ހޯދުމުގެ އާންމު ވޯޓު ނެގޭނީ ރައްޔިތުންނާ ގުޅުންހުރި މުހިންމު ކަންކަމާއި ޤައުމީ މުހިންމު މައްސަލަތަކާއި، ޤާނޫނުއަސާސީގެ ބައެއް މާއްދާތަކަށް ބަދަލު ގެނައުމަށްކަމަށް ބަޔާންކޮށްފައިވެއެވެ.
ރައްޔިތުންގެ ޚިޔާލު ހޯދުމުގެ ޢާންމު ވޯޓު ނެގުމުގެ ބިލުގައިވަނީ ރައްޔިތުންނާ ގުޅޭ މުހިންމު ކަންކަމުގައި ރައްޔިތުން އެކަމުގައި ދެކޭ ގޮތް ބެލުމަށް، ރައްޔިތުންގެ ޚިޔާލު ހޯދުމުގެ ޢާންމު ވޯޓެއް ނެގުމަށް، ރައްޔިތުންގެ މަޖިލީހަށް ނިންމިދާނެކަމަށް ވަނީ ބަޔާންކޮށްފައެވެ. އަދި ޤައުމީ މުހިންމު މައްސަލަތަކުގައި ރައްޔިތުން އެކަމުގައި ދެކޭ ގޮތް ބެލުމަށް ރައްޔިތުންގެ ޚިޔާލު ހޯދުމުގެ ޢާންމު ވޯޓެއް ނެގުމަށް، ރައީސުލްޖުމްހޫރިއްޔާއަށް ނިންމިދާނެކަމަށްވެސް ވަނީ ބަޔާންކޮށްފައެވެ.
About Post Author
މާދަމާ ނިއުސް
އީރާނުން ހަކަތަ ހަތިޔާރަކަށް ހަދައި، އިސްކުރީ ދިފާޢު
(ފޮޓޯ ކްރެޑިޓްސް: ރޮއިޓާރސް) ޔަހޫދީންނާއި އެމެރިކާ ގުޅިގެން އީރާނާ ދެކޮޅަށް ފެށި ހަނގުރާމައިގައި، އީރާނުން ދަނީ އެ ޤައުމުގެ ދިފާޢީ ވަރުގަދަކަމާއި ކެތްތެރިކަން ދުނިޔެއަށް...
ހުކުމަކާ ގުޅިގެން ދައްކަންޖެހޭ، ދަރަންޏެއް ދައްކައިފިން: ޠާރިޤް
(ފޮޓޯ ކްރެޑިޓްސް: ޕީއެސްއެމް ނިއުސް) ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އާ އަލަށް ހަވާލުވި މެނޭޖްމަންޓުން ކުރި މަސައްކަތުން، ކޯޓުތަކުން ކޮށްފައިވާ ހުކުމްތަކާ...
ބުލޫ ސްޕޯޓްސް ކުލަބުުގެ ހެޑް ކޯޗަކަށް މުޖުތަބާ
(ފޮޓޯ ކްރެޑިޓްސް: ޕީއެސްއެމް ނިއުސް) ކުރިއަށް އޮތް އެފްއޭ ކަޕަށް ތައްޔާރުވުމުގެ ގޮތުން ބުލޫ ސްޕޯޓްސް ކުލަބުގެ ހެޑް ކޯޗަކަށް އަޙްމަދު މުޖުތަބާ (ފެސްކޯ)...
އޮޑީގައި ތިބީ ކުލަބުގެ ފަހުރަށް، ކުޅޭ ކުޅުންތެރިންތަކެއް
(ފޮޓޯ ކްރެޑިޓްސް: ޕީއެސްއެމް ނިއުސް) ފުރަތަމަ ޑިވިޝަނުގައި އަލަށް ވާދަކުރި އޮޑި ސްޕޯޓްސް ކުލަބަކީ ކުލަބުގެ ފަހުރަށްޓަކައި ކުޅޭ ކުޅުންތެރިންތަކެއް ތިބި ޓީމެއްކަމަށް އެ...
ތަފާތު 3 ވޯޓެއް، ކޮންމެ ވޯޓެއްގައިވެސް ރައްޔިތުންގެ އަޑު އިއްވުން މުހިންމު!
(ފޮޓޯ ކްރެޑިޓްސް: އިލެކްޝަންސް ކޮމިޝަން) ރާއްޖޭގައި ބާއްވާ ރިޔާސީ އިންތިޚާބާއި، މަޖިލިސް އިންތިޚާބު އަދި ލޯކަލް ކައުންސިލް އިންތިޚާބަކީ ރައްޔިތުންގެ މަންދޫބުން ހޮވުމަށް ބާއްވާ...
“އިންތިހާބުތައް އެއް ދުވަހެއްގައި ބާއްވަން ޚާއްސަ މަޖިލީހުގައި މަޝްވަރާކޮށްފައިވޭ”
ރިޔާސީ އިންތިޚާބާއި މަޖިލިސް އިންތިޚާބު އެއް ދުވަހެއްގައި ބޭއްވުމާ ގުޅޭގޮތުން ކުރިން މަޝްވަރާކޮށްފައި ނުވާ ކަމަށް ދެކެވޭ ވާހަކަތައް މަޖިލީހުގެ ނައިބު ރައީސް އަޙްމަދު...
