އިހްތިޖާޖުކުރި އެއްވެސް ނޫސްވެރިއަކު ހައްޔަރުކޮށްފައެއް ނުވާނެ: އިހްސާން

Read Time:3 Minute, 17 Second

ރައީސް އޮފީސް ސަރަހައްދުގައި އިއްޔެ އިހްތިޖާޖުކުރި އެއްވެސް ނޫސްވެރިއަކު ހައްޔަރުކޮށްފައިނުވާނޭކަމަށް ދާހިލީ ވަޒީރު އަލީ އިހްސާން ވިދާޅުވެއްޖެއެވެ. ދާހިލީ ވަޒީރު މިހެން ވިދާޅުވެފައިވަނީ، މީޑިއާ ކޮންޓްރޯލްކުރާ ބިލަށް ނުރުހުންފާޅުކުރުމުގެ ގޮތުން އިއްޔެ ރައީސް އޮފީސް ދޮށުގައި ކުރި އިހުތިޖާޖުގައި ހައްޔަރުކުރި ނޫސްވެރިން ދޫކޮށްލުމަށް ކުރީގެ ރައީސް މުހައްމަދު ނަޝީދު ވިދާޅުވުމާ ގުޅިގެންނެވެ. ރައީސް ނަޝީދު އެގޮތަށް ވިދާޅުވުމާ ގުޅިގެން ދާހިލީ ވަޒީރު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ، ނޫސްވެރިްނ އިއްޔެ ރައީސް އޮފީސް ދޮށުގައި އިހްތިޖާޖުކުރިއިރު އެތަނަކީ ގްރީން ޒޯންގެ ގޮތުގައި ކަނޑައަޅާފައި އޮންނަ ސަރަހައްދެއް ކަމަށެވެ.

މިނިސްޓަރު ވިދާޅުވީ ގްރީން ޒޯން ސަރަހައްދުތަކަކީ އެއްވެ އުޅުމާއި މުޒާހަރާތައް ބޭއްވުން މަނާކޮށްފައިވާ ސަރަހައްދުތަކެއްކަމަށާއި، ނޫސްވެރިްނ އެ ސަރަހައްދުން ދުރަށް ޖައްސައި ހިނގިކަމެއް ހިނގާފައިވަނީ އެ ސަރަހައްދު ދޫކޮށްދިއުމަށް ތަކުރާރުކޮށް ނަސޭހަތްދީ ފުލުހުންގެ އަމުރަށް ނުކިޔަމަންތެރިވުމުން ކަމަށެވެ.

Excellency President @MohamedNasheed, with due respect, I can confirm that NO journalist was arrested during or regarding yesterday’s protest. While the Journalists were protesting at a security / green zone (in front of the President’s Office and the Official Residence of the… https://t.co/vHhdMnXuMg

— Minister of Homeland Security & Technology (@min_mohst) August 28, 2025

އިއްޔެ ރައީސް އޮފީސް ސަރަހައްދުގައި ކުރި އިހުތިޖާޖުގައި ފުލުހުންގެ ބެލުމުގެ ދަށަށް 4 ނޫސްވެރިއަކު ވަނީ ގެންގޮސްފައެވެ. ނަމަވެސް މާގިނައިރެއްނުވެ ފުލުހުން ވަނީ ނޫސްވެރިން ދޫކޮށްލާފައެވެ. ނޫސްވެރިން އިއްޔެ ރައީސް އޮފީސް ދޮށުގައި އިހުތިޖާޖުކުރީ ރައްޔިތުންގެ މަޖިލީހަށް މިހާރު ލާފައިވާ މީޑިއާ ބިލާ ގުޅޭގޮތުން އެކަމުގެ ކަންބޮޑުވުން އޮތްކަން ހާމަކޮށް ސަރުކާރުގެ ސަމާލުަކަމަށް އެކަން ގެނައުމަށެވެ.