Read Time:1 Minute, 53 Second
(ފޮޓޯ ކްރެޑިޓްސް: ރައީސް އޮފީސް)
އަންނަ އޮކްޓޯބަރު 1 އިން ފެށިގެން ޢަމަލުކުރަން ފަށާ މެޖިސްޓްރޭޓް ކޯޓުތަކުގެ އައު ޤަވާއިދުގެ ސަބަބުން، 18 އަހަރުވީ ދިގު ހުސްކަމަކަށް ނިމުން އައިސް ޝަރީޢަތް ހިންގުމުގެ ނިޒާމު އެތައް ގުނައެއް ހަރުދަނާވެގެންދާނެ ކަމަށް އުއްތަމަ ފަނޑިޔާރު އަލްއުސްތާޛު ޢަބްދުލްޣަނީ މުޙައްމަދު ވިދާޅުވެއްޖެއެވެ. ލ. ގަމުގައި ބޭއްވި ތަމްރީނު ޕްރޮގްރާމެއްގައި ވާހަކަފުޅު ދައްކަވަމުން އެމަނިކުފާނު ފާހަގަކުރެއްވި ގޮތުގައި، މި ޤަވާއިދުގެ ސަބަބުން މީގެ ކުރިން އެކި ރަށްރަށުގެ ކޯޓުތަކުގައި މައްސަލަ ރަޖިސްޓްރީ ކުރުމާއި، އިޖުރާއާތުތަކާއި، ފީ ނެގުމުގައި ހުރި ތަފާތުތައް ނައްތާލެވި މުޅި ރާއްޖޭގައި އެއް އުސޫލެއް ޤާއިމުވާނެއެވެ. މީގެ އިތުރުން ޚިދުމަތްތައް އަވަސްވެ، އިންސާފުގެ ނިޒާމަށް ރައްޔިތުން ކުރާ އިތުބާރު ބޮޑުވެގެންދާނެތީ، ހުރިހާ މުވައްޒަފުންވެސް އިންސާފުވެރިކަމާއި އޯގާތެރިކަމާއެކު ޚިދުމަތް ދިނުމަށް އެމަނިކުފާނު އިލްތިމާސްކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0