Read Time:2 Minute, 24 Second
ކޭޕާކު މަމްދޫހާ ގުޅުންހުރި މައްސަލައެއްގައި ކުރިން ތުހުމަތުކުރެވި، އެޗްޑީސީން ސަސްޕެންޑްކޮށްފައިވާ އޭރުގެ މުވައްޒަފެއް ކަމަށްވާ އަބްދުލް ނާފިއު މުހައްމަދަށް އެޗްޑީސީގެ އިސް މަގާމެއް ދީފި އެވެ. ނާފިއު އައްޔަންކުރީ އެ ކުންފުނީގެ ޑިރެކްޓާ އޮފް ބިޒްނަސް ޑިވެލޮޕްމަންޓް އެންޑް ސޭލްސްގެ މަގާމަށެވެ. މި މަގާމުގައި ހުރި މުވައްޒަފަކު ވަކިކުރުމަށް ފަހު ނާފިއު އައްޔަންކުރިއިރު، އޭނާ ހުންނާނީ އެ ސެކްޝަންގެ ބިޒްނަސް ޑިވެލޮޕްމަންޓް ބައިގެ ބެލެނިވެރިޔާގެ ގޮތުގަ އެވެ. ސޭލްސްގެ ބައި ބަލަހައްޓާނީ އެހެން ޑިރެކްޓަރެކެވެ.
ނާފިއުއަށް ކުރިން ތުހުމަތުކުރެވުނީ ހުޅުމާލޭގައި ހަދާ ކޭޕާކު ރެސިޑެންސް ފްލެޓްތައް ވިއްކުމުގައި މަމްދޫހު (މަންޑޭ) ބޭނުންކުރި ކުންފުންޏެއްގެ ހިއްސާދާރެއްގެ ގޮތުގަ އެވެ. މި މައްސަލާގައި އޭރު އޭނާ ސަސްޕެންޑްކޮށް އިންޓާނަލް އޮޑިޓުން ތަހުގީގުކުރި އެވެ. މި ހިޔާނާތުގެ މައްސަލާގައި 23 އެޕާޓްމަންޓް މަކަރާއި ހީލަތުން ވިއްކާލާފައިވާ ކަމަށް ބުނެ، މަމްދޫހާއި ޖައިޝާން ސައީދުގެ މައްޗަށް ދައުވާކޮށްފައިވެ އެވެ. މިކަމާ ގުޅިގެން އިއްޔެ ވެސް އެޗްޑީސީގެ ބިޒްނަސް ޑިވެލޮޕްމެންޓް އަދި ސޭލްސްގެ އިސް އަންހެން މުވައްޒަފެއް ވަނީ އޮޅުވާލައިގެން ބިން ދޫކުރިކަމުގެ ތުހުމަތުގައި ސަސްޕެންޑްކޮށްފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0