Read Time:2 Minute, 21 Second
(ފޮޓޯ ކްރެޑިޓްސް: އެކްސް/ޔޮރުކުލްސިކް)
ތުރުކީ ސަރުކާރުން ރާއްޖެއަށް ހަދިޔާކުރި އަސްކަރީ މަނަވަރު، ޓީސީޖީ ވޮލްކަން (ޕީ-343) މިއަދު ރާއްޖެއަށް ގެނެސްފިއެވެ. ޑޯގަން-ކްލާސްގެ މި މިސައިލް މަނަވަރު މިހާރު އޮތީ މާލެ ސަރަހައްދުގައެވެ. މި މަނަވަރު ރާއްޖެއަށް ހަދިޔާކުރީ ދިފާއީ ގާބިލްކަން އިތުރުކުރުމުގެ މަގުސަދުގައި ދެ ގައުމުގެ ދެމެދުގައި ވެފައިވާ އެއްބަސްވުމެއްގެ ދަށުންނެވެ. ރައީސް މުއިއްޒު ވެރިކަމާ ހަވާލުވެވަޑައިގެންނެވި ފަހުން ދިވެހި އަސްކަރިއްޔާގެ ގާބިލްކަން ވަރުގަދަ ކުރުމަށް ވަރަށް ބޮޑު އިސްކަމެއް ދެއްވާފައިވާއިރު، އަސްކަރީ ޑްރޯންތަކާއި އެހެނިހެން އުޅަނދުތައް ވެސް ވަނީ ހޯދާފައެވެ.
މިއީ 45 އަހަރުވީ މަނަވަރެއް ނަމަވެސް، މިދިޔަ އަހަރު ވަނީ މަރާމާތުކޮށް، ޓެސްޓް އަދި ތަމްރީނު އުޅަނދެއްގެ ގޮތުގައި އަލުން ގިންތިކޮށްފައެވެ. މި މަނަވަރު އޮޕަރޭޓްކުރުމަށް ދިވެހި ސިފައިންނަށް ވަނީ ތުރުކީގައި ހާއްސަ ތަމްރީނު ދީފައެވެ. އަންނަ ހަފުތާގައި ބާއްވާ ހާއްސަ ރަސްމިއްޔާތެއްގައި މި މަނަވަރު އިފްތިތާހު ކުރެވޭނެއެވެ. ރައީސް މުއިއްޒު ވިދާޅުވެފައިވަނީ ރާއްޖެއަކީ ފަހުރުވެރި މިނިވަން ގައުމެއް ކަމަށާއި، މި ގައުމުގެ ކޮންމެ އަކަ އިންޗިއެއް ބަލަހައްޓާނީ ދިވެހިން އަމިއްލައަށް ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0