މާފުށީގައި ހޮޓަލެއް އަޅައިދޭނެ ބަޔަކު ހައްޖު ކޯޕަރޭޝަނުން ހޯދަނީ

Read Time:4 Minute, 49 Second

(ފޮޓޯ ކްރެޑިޓްސް: ވަގުތު)

ހައްޖު ކޯޕަރޭޝަނުން ކ. މާފުށީގައި ހޮޓަލެއް އަދި ސވިާސް ބިލްޑިން އެއް އެޅުމަށް ކޮންޓްރެކްޓާ ފައިނޭންސް އުސޫލުން ބީލަން ހުށަހެޅުމަށް ދައުވަތު ދީފިއެވެ. މި މަޝްރޫއަކީ ހައްޖު ކޯޕަރޭޝަންގެ ދަށުން ހިންގާ ކުންފުންޏެއް ކަމަށްވާ މާފުށި އިސްލާމިކް ޓޫރިޒަމް ޕްރައިވެޓް ލިމިޓެޑް (އެމްއައިޓީ) ގެ ފަރާތުން ކުރިއަށްގެންދާ މަސައްކަތެކެވެ. މި މަޝްރޫއުގެ މަސައްކަތް ކުރިއަށް ގެންދެވޭނީ ބައިނަލްއަގުވާމީ ވާދަވެރި ބީލަން ކުރުމުގެ އުސޫލު (އިންޓަނޭޝަނަލް ކޮމްޕެޓިޓިވް ބިޑިން – އައި.ސީ.ބީ) އާއި އެއްގޮތަށް، ދިވެހިރާއްޖޭގެ މާލީ ގަވާއިދުތަކާއި، މިނިސްޓްރީގެ ގަވާއިދުތަކާއި އެއްގޮތަށެވެ. މި މަޝްރޫއަށް ބިޑްކުރާ ފަރާތްތަކުން މިނިސްޓްރީ އޮފް ނޭޝަނަލް ޕްލޭނިން ހައުސިން އެންޑް އިންފްރާސްޓްރަކްޗާގެ ކޮންސްޓްރަކްޝަން އިންޑަސްޓްރީ ކޮންޓްރެކްޓާސް ރެގިއުލޭޝަން، މާލީ މިނިސްޓްރީން ނެރެފައިވާ ކެޕިން ޕޮލިސީ އަދި އިކޮނޮމިކް ޑިވެލޮޕްމަންޓް މިނިސްޓްރީގެ ފޮރިން ޑިރެކްޓް އިންވެސްޓްމަންޓް ޕޮލިސީއަށް ސަމާލުކަން ދޭންޖެހޭނެއެވެ.

ބީލަމަށް ޝައުގުވެރިވާ ފަރާތްތަކުން ހައްޖު ކޯޕަރޭޝަން ލިމިޓެޑްގައި ރަޖިސްޓްރީ ވާންޖެހޭނެއެވެ. ރަޖިސްޓްރީވުމުގެ މުއްދަތަކީ މިއަދުން ފެށިގެން އޮގަސްޓު 13 ގެ ހެނދުނު 15:00 ގެ ކުރިންނެވެ. ރަޖިސްޓްރީވުމަށް އޮންލައިން ފޯމެއް މެދުވެރިކޮށް މައުލޫމާތު ފުރިހަމަ ކުރަން ޖެހޭނެއެވެ. ރަޖިސްޓްރީވުމަށް ފަހު، ފައިސާ ދައްކާނެ މައުލޫމާތު އީމެއިލް މެދުވެރިކޮށް ހިއްސާ ކުރެވޭނެއެވެ. ރަޖިސްޓްރީވުމަށްފަހު އަނބުރާ ނުލިބޭ ގޮތަށް 30,000.00 ރުފިޔާ ނުވަތަ 2,000.00 އެމެރިކާ ޑޮލަރު 2025 އޮގަސްޓު 13 ވާ ދުވަހުގެ 16:00 ގެ ކުރިން ދައްކަން ޖެހޭނެއެވެ.

ފައިސާ ލިބުމުން، ބީލަމުގެ ފުރިހަމަ ޑޮކިއުމެންޓްތަކާއި ގުޅުންހުރި އެހެނިހެން މައުލޫމާތު އީމެއިލް މެދުވެރިކޮށް ފޮނުވޭނެއެވެ. މި މަޝްރޫއަށް ބިޑްކުރާ ފަރާތްތަކުން 800,000.00 ރުފިޔާ (ނުވަތަ އެއާ އެއްވަރުގެ އެމެރިކާ ޑޮލަރު) ބިޑް ސެކިއުރިޓީއެއްގެ ގޮތުގައި ހުށަހަޅަން ޖެހޭނެއެވެ. މި ބިޑް ސެކިއުރިޓީ ބިޑް ހުޅުވާ ތާރީހުން ފެށިގެން 120 ދުވަހުގެ މުއްދަތަށް ސައްހަ ވާންޖެހެއެވެ.

މަޝްރޫއާ ގުޅޭގޮތުން ސާފުކުރަން ބޭނުންވާ އެއްވެސް ކަމެއް ވާނަމަ، އޮގަސްޓު 20 ވާ ދުވަހުގެ 15:00 ގެ ކުރިން މައުލޫމާތު ސާފުކުރުމަށާއި ހުރިހާ ސުވާލުތަކަށް ދެވޭ ޖަވާބުތައް، ރަޖިސްޓްރީވެފައިވާ ހުރިހާ ބިޑް ކުރާ ފަރާތްތަކާ އޮގަސްޓު 26 ވާ ދުވަހުގެ 15:00 ގެ ކުރިން ހިއްސާ ކުރެވޭނެ ކަމަށް އިއުލާނުގައި ބުނެފައިވެއެވެ. ހުށަހަޅާ ބިޑްތައް ބިޑް ހުޅުވާ ތާރީހުން ފެށިގެން 120 ދުވަހުގެ މުއްދަތަށް ސައްހަވާން ޖެހޭނެއެވެ.