Read Time:3 Minute, 21 Second
ރައްޔިތުންގެ މަޖިލިހުގެ ބާރަށު ދާއިރާގެ މެމްބަރު އިބްރާހިމް ޝުޖާއުގެ ހިއްސާ އޮންނަ ކުންފުނިތަކަށް ނާޖާއިޒު މަންފާ ލިބޭ ގޮތަށް ހިންގާފައިވާ މުއާމަލާތްތަކަކާ ގުޅޭ ގޮތުން އެފްއައިޔޫ އިން ތައްޔާރުކުރި ރިޕޯޓެއް އާންމުވެއްޖެ އެވެ. މި މައްސަލަތައް އޭސީސީއާއި ފުލުހުން ވެސް ބަލާތާ ދުވަސްގަނޑެއް ވެއްޖެ ކަމަށް ވަނީ ބުނެފަ އެވެ.
ރިޕޯޓުގައި ބުނާ ގޮތުން، 2023 ނޮވެމްބަރު 1 އިން 2024 ޖެނުއަރީ އަށް ޝުޖާއު އަދި އޭނާގެ އާއިލާއާ ގުޅުން ހުރި މުހައްމަދު ނާފިޒާއި އަހުމަދު އަދުހަމް ހިއްސާވާ ކުންފުނިތަކަށް ސަރުކާރުގެ އެކި އިދާރާތަކުން 42.5 މިލިއަން ރުފިޔާ ދޫކޮށްފައިވެ އެވެ. މި ފައިސާ ދޫކޮށްފައިވަނީ އެކި އިވެންޓުތަކާ ގުޅުވައިގެންނެވެ. އޭގެ ތެރޭގައި ރައީސް މުއިއްޒުގެ ހުވާކުރުމުގެ ރަސްމިއްޔާތުގެ ހަރަދުތަކުގެ ތެރެއިން ސިވެކް އަށް ދޫކުރި 23 މިލިއަން ރުފިޔާގެ ތެރެއިން 13 މިލިއަން ރުފިޔާ “އޮފިޝަލް އިވެންޓްސް” އަށް ދޫކުރުން ހިމެނެ އެވެ. މި ފައިސާގެ ތެރެއިން 8 މިލިއަން ރުފިޔާ ހަރަދުކުރީ “އޮފިޝަލް އިވެންޓްސް” ގެ ހިއްސާދާރުންނަށް ދެ އެޕާޓްމަންޓް ގަތުމުގެ ކޮމިޓްމަންޓް ފީގެ ގޮތުގައި ކަމަށް ވެސް ރިޕޯޓުގައިވެ އެވެ. ޝުޖާއު ދިފާއުގައި ވިދާޅުވީ އޭނާގެ ކުންފުނިތައް ގާނޫނާއި ގަވާއިދުތަކުގެ ތެރެއިން ކާމިޔާބު މަސައްކަތްތަކެއް ކުރަމުންދާ ކަމަށާއި، މިހާތަނަށް އެއްވެސް އިދާރާއަކުން އޭނާ ނުވަތަ އޭނާގެ ކުންފުނިތަކާ ގުޅޭ ގޮތުން އެއްވެސް މައްސަލައެއް ބަލާފައި ނުވާ ކަމަށެވެ.
މި ރިޕޯޓު އާންމުވުމާ ގުޅިގެން ރައްޔިތުންގެ މަޖިލިހުގެ މާލިއްޔަތު ކޮމިޓީން ޝުޖާއު ވަނީ ވަކިކޮށްފަ އެވެ. އޭނާގެ ބަދަލުގައި ގުރައިދޫ ދާއިރާގެ މެމްބަރު ހަނާން މުހައްމަދު ރަޝީދު މާލިއްޔަތު ކޮމިޓީއަށް ހަމަޖެއްސެވި އިރު، ޝުޖާއު ބަދަލުކުރެއްވީ ގައުމީ ތަރައްގީ އާއި ތަރިކަ ކޮމިޓީއަށެވެ.
Happy
0 %
Sad
0 %
Excited
0 %
Sleepy
100 %
Angry
0 %
Surprise
0 %
0
0