Read Time:2 Minute, 30 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއުގެ ހިއްސާ އޮންނަ ކުންފުނިތަކަކަށް ނާޖާއިޒު ފައިދާ ލިބުނު ކަމަށް ބުނާ އެމްއެމްއޭގެ ފައިނޭންޝަލް އިންޓެލިޖެންސް ޔުނިޓު (އެފްއައިޔޫ) ރިޕޯޓާ ގުޅިގެން ފުލުހުން ބަލަމުންދާ މައްސަލައެއްގެ ތެރެއިން، މަޖިލީހުގެ މާލިއްޔަތު ކޮމެޓީން ޝުޖާއު ވަކިކޮށްފި އެވެ. މިއަދުގެ ޖަލްސާގައި މަޖިލީހުގެ ރިޔާސަތުން ވަނީ މާލިއްޔަތު ކޮމެޓީގައި އިންނެވި ޝުޖާއުގެ ބަދަލުގައި ގުރައިދޫ ދާއިރާގެ ޕީއެންސީ މެންބަރު ހަނާން މުހައްމަދު ރަޝީދު ހަމަޖައްސާފައިވާކަން އިއުލާނު ކުރައްވައިފަ އެވެ. ޝުޖާއު ހަމަޖައްސާފައިވަނީ ގައުމީ ތަރައްގީ އާއި ތަރިކަ ކޮމެޓީއަށެވެ.
ފުލުހުން މި މައްސަލަ ބަލަމުންދާކަން ޔަގީންކޮށްދީފައިވާއިރު، ޝުޖާއު ވަނީ ރިޕޯޓުގެ ސައްހަކަމާ މެދު ސުވާލު އުފައްދާފައި އެވެ. މި ރިޕޯޓުގައި ބުނެފައިވަނީ ރައީސް މުއިއްޒު ހުވާކުރެއްވި ރަސްމިއްޔާތާ ގުޅޭގޮތުން ސިވެކްއަށް ދޫކުރި ފައިސާގެ ބޮޑު ބައެއް ޝުޖާއުގެ ހިއްސާ އޮންނަ ކުންފުނިތަކަށް ޖަމާކޮށްފައިވާ ކަމަށާއި، މި ފައިސާއިން އެޕާޓްމަންޓް ގަނެފައިވާ ކަމަށެވެ. މި ރިޕޯޓު އާންމުވުމާ ގުޅިގެން އެފްއައިޔޫގެ ވެރިޔާ އަބްދުﷲ އަޝްރަފް ވަނީ އެ މަގާމުން ވަކިކޮށް، އެހެން ޑިޕާޓްމަންޓަކަށް ބަދަލުކޮށްފަ އެވެ.
Happy
0 %
Sad
0 %
Excited
0 %
Sleepy
50 %
Angry
50 %
Surprise
0 %
0
0