Read Time:2 Minute, 45 Second
ރައީސް ޑރ. މުހައްމަދު މުއިއްޒުގެ ސަރުކާރުން ވާދަވެރި ސިޔާސީ ޕާޓީތަކަށް ހަރަކާތް ހިންގުމުގެ ފުރުސަތު ފަހިކޮށްދެމުންދާކަން ފާހަގަކުރައްވައި، އެމްޑީޕީގެ ހަރަކާތްތަކަށް ރައްޔިތުންގެ ތަރުހީބު ނެތުމަކީ ސަރުކާރުގެ މައްސަލައެއް ނޫން ކަމަށް ރައްޔިތުން މަޖިލީހުގެ ބާރަށު ދާއިރާގެ މެމްބަރު އިބްރާހިމް ޝުޖާއު ވިދާޅުވެއްޖެއެވެ. މެމްބަރު ޝުޖާއު ކުރެއްވި ޓްވީޓެއްގައި ވިދާޅުވީ، ރައީސް ޑރ. މުއިއްޒު ގެންދަވަނީ ވާދަވެރި ސިޔާސީ ޕާޓީގެ ހަރަކާތް ހިންގުމަށް ތައްމިނަށް ފުރުސަތު ފަހިކޮށްދެއްވަމުން ކަމަށެވެ. އަދި ބުނި ތާކުން، ބުނި ވަގުތަކު އެ ފުރުސަތު ފަހިކޮށްދީފައިވާނެ ކަމަށް ވެސް ޝުޖާއު ފާހަގަކުރެއްވިއެވެ.
އެގޮތުން، އެމްޑީޕީގެ ހިނގާލުމަށް ރައްޔިތުންގެ ތަރުހީބު ނެތުމަކީ ސަރުކާރުގެ ނުވަތަ އެބޭފުޅުންގެ މައްސަލައެއް ނޫން ކަމަށް ޝުޖާއު ވަނީ ހާމަކުރައްވާފައެވެ. ރައްޔިތުންގެ ތާއީދު އެމްޑީޕީއަށް ނެތެމުންދަނީ، އެޕާޓީ ވެރިކަން ލިބޭ ކޮންމެ ފަހަރަކު ގައުމަށް ގައްދާރުވެ، ރައްޔިތުންގެ ބައިތުލްމާލުގައި އެއްކޮށްފައިވާ ފައިސާކޮޅަށް އަތްބާނާ، އެ ފައިސާކޮޅު ގާތް މީހުންނަށް ބަހާ ހުސްކުރާތީ ކަމަށް ޝުޖާއު ވިދާޅުވިއެވެ. “މީން ކޮންމެ ފަހަރަކު އަޅުގަނޑުމެން މިޖެނީ ވަރަށް ބުރަ މަސައްކަތުން ގައުމު ހަމަޔަކަށް އަޅުވަން،” ޝުޖާއު ވިދާޅުވިއެވެ.
އެމްޑީޕީއިން ވަނީ އެ ޕާޓީއަށް 20 އަހަރު ފާހަގަކުރުމަށް ހުޅުމާލެ ސެންޓަރަލް ޕާކްގައި ދުވުމުގެ ހަރަކާތެއް ކުރިއަށް ގެންގޮސްފައެވެ.
Happy
0 %
Sad
0 %
Excited
0 %
Sleepy
0 %
Angry
100 %
Surprise
0 %
0
0