Read Time:2 Minute, 0 Second
ކުލަބު ވެލެންސިއާގެ 12 އަހަރުން ދަށުގެ ފުޓްބޯޅަ ޓީމު މެލޭޝިޔާ އަށް ފުރައިފި އެވެ. މި ޓީމު މެލޭޝިޔާ އަށް ފުރީ އެ ގައުމުގައި އަންނަ އާދިއްތަ ދުވަހު ފަށާ އިންޓަނޭޝަނަލް ފުޓްބޯޅަ މުބާރާތެއްގައި ބައިވެރިވުމަށެވެ. ކުޅުންތެރިންނާއެކު އިސްކޮށް މި ޓީމުގައި ވަޑައިގެންނެވީ ވެލެންސިއާގެ އެކަޑަމީގައި އިސްކޮށް ހަރަކާތްތެރިވާ ދެ ކޯޗުން ކަމަށްވާ ހީނާ އަހުމަދު ސަލީމާއި ޔޫސުފް އަޒީމް (ޔޫއްޓޭ) އެވެ. މީގެ އިތުރުން ޓީމާއެކު އެކަޑަމީގެ ދެ ކޯޗުން ކަމަށްވާ ކުރީގެ ފޯވަޑް އާދަމް އަބްދުއްލަތީފް (ލައްޗޭ) އާއި އަބްދުﷲ މުފީދު ވެސް ވަޑައިގެންނެވި އެވެ.
އާރުއެސްސީ ޖޫނިއާ ފުޓްބޯޅަ މުބާރާތަކީ މީގެ 20 އަހަރު ކުރިން ފެށިގެން ބާއްވަމުން އަންނަ މުބާރާތެކެވެ. މި މުބާރާތުގައި އޭޝިޔާގެ ގިނަ ގައުމުތަކުން ކޮންމެ އަހަރަކު ވެސް ވާދަކުރެ އެވެ. ވެލެންސިއާ ޓީމު ވަނީ ހުސްވި އަހަރު ތައިލެންޑްގައި ބޭއްވި އިންޓަނޭޝަނަލް ފުޓްބޯޅަ މުބާރާތުގައި ވެސް ވާދަކޮށްފަ އެވެ. މި މުބާރާތުން ވެލެންސިއާގެ 11 އަހަރުން ދަށުގެ ޓީމު ވަނީ ބްރޯންޒް މެޑަލް ހޯދައިފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0