Read Time:3 Minute, 36 Second
(ފޮޓޯ ކްރެޑިޓްސް: އެޗްޑީސީ)
މާތްވެގެންވާ އިސްލާމްދީނުގެ އަހުލުވެރިން ކަމަށްވުމާއި، އެއް މަޒުހަބެއްގައި އެންމެން އުޅުމަކީ ދިވެހިންގެ ދީނީ އެއްބައިވަންތަކަން ދެމެހެއްޓުމަށްޓަކައި ކޮންމެހެން ބޭނުންކަމެކެވެ. މިއީ ރާއްޖޭގެ މިނިވަންކަމާއި ސިޔާދަތު، އަމަންއަމާންކަން ދެމެހެއްޓުމަށްޓަކައި ސަރުކާރާއި ރައްޔިތުންގެ މައްޗަށް ލާޒިމުވެގެންވާ ކަމެކެވެ. ދިވެހިން އެއްބައިވަންތަ ބަޔެއްގެ ގޮތުގައި ދެމިތިބުމަށް މެދުވެރިކުރުވާ އެންމެ މުހިންމު ބަހާތަކަކީ އިސްލާމްދީނާއި، ދިވެހިބަހާއި، ސަޤާފަތެވެ. ތާރީޚަށް ބެލި ކަމުގައި ވިޔަސް، ދިވެހިން އަބަދުވެސް އެއް ސަގާފަތެއްގައި އަދި އެއް ބަހަކުން ވާހަކަދައްކަމުން އައިސްފައިވެއެވެ. މިކަމުގެ ސަބަބުން ދިވެހިންގެ އެއްބައިވަންތަކަމާއި ހިތްހެޔޮކަން ކޮންމެ ކަންކޮޅަކުންވެސް ފެނިގެންދެއެވެ.
ނަމަވެސް، ފަހަކަށް އައިސް ބޭރުގެ ބަސްތަކާއި ސަގާފަތްތައް ދިވެހި މުޖުތަމަޢަށް ވަދެ، ޚާއްޞަކޮށް ޒުވާން ޖީލުގެ މެދުގައި ޓްރެންޑަކަށް ވެފައިވާކަން ފާހަގަކުރެވެއެވެ. ދިވެހި ބަހާއި ސަޤާފަތް ކުރިއަށް ގެންދިއުމާއި، ކާބަފައިންގެ ރީތި އާދަތައް އެއްޖީލުން އަނެއްޖީލަށް ފޯރުކޮށްދިނުމަކީ ކޮންމެ ދިވެއްސެއްގެ ކޮނޑުގައި އެޅިފައިވާ ޒިންމާއެކެވެ. ދުނިޔޭގެ ތަރައްޤީގެ ތެރޭގައި މާލީ މަންފާއަށް ބަލައިގެން ކުރެވޭ ކަންކަމުން ދިވެހިންގެ ފަރުދީ ފައިދާއަށް އިސްކަންދެވޭތީ އެއްބައިވަންތަކަން ހީނަރުވާކަމަށް ފެނިދާނެއެވެ. އެހެންނަމަވެސް، ޤައުމަށް ދިމާވާ ކޮންމެ ކަމެއްގައި، ޚާއްސަކޮށް 2004 ވަނަ އަހަރުގެ ސުނާމީ ކާރިސާގައި، ދިވެހިން އެއް އާއިލާއެއްގެ ގޮތުގައި އެކަތިގަނޑަކަށް ވެ އެހީތެރިކަން ފޯރުކޮށްދިނުމަކީ ދިވެހިންގެ އެއްބައިވަންތަކަން ދައްކުވައިދޭނެ އެންމެ ފުރިހަމަ މިސާލެވެ.
އެންމެ އިހުޒަމާނުންސުރެއް މިއަދާހަމައަށްވެސް ދިވެހިން ދިވެހިންގެ ގޮތުގައި ދެގޮތެއްނުވެ ތިބުމުގެ މައިގަނޑު ސަބަބަކީ ދިވެހިންގެ ބަހާއި ސަގާފަތެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0