Read Time:2 Minute, 16 Second
އިންޑިއާގެ ސައުތު ފިލްމުތަކުގެ ރާނީ ކަމުގައިވާ ސައީ ޕައްލަވީގެ ފުރަތަމަ ހިންދީ ފިލްމު އަންނަ ނޮވެމްބަރުގައި ނެރެން ނިންމާފައިވާ ކަމަށް ރިޕޯޓްތައް ބުނެފިއެވެ. ސައި ޕައްލަވީގެ ހިންދީ ފިލްމު ޕްރޮޑިއުސް ކުރާނީ ހަމަޖެހިފައިވަނީ ބޮލީވުޑްގެ މަޝްހޫރި ތަރި އަދި ޕްރޮޑިއުސަރު އާމިރު ޚާންއެވެ. އަދި ފިލްމުގެ ކޯ ޕްރޮޑިއުސަރަކީ މަންސޫރް ޚާންއެވެ. “އޭކް ދިން” ގެ ނަމުން ނަންދެވިފައިވާ މި ފިލްމުގެ ލީޑުން ޕައްލަވީ އާއެކު ފެނިގެންދާނީ އާމިރުގެ ދަރިފުޅު ޖުނެއިދު ޚާންއެވެ. މި ފިލްމު ނެރުމަށް ހަަމޖެހިފައިވަނީ ނޮވެމްބަރު 7 ގައެވެ.
މި ފިލްމު ނެރޭ ދުވަސް އާންމު ކުރުމާ އެކުގައި އިންޑިއާގެ އިތުރުން އެހެން ގައުމުތަކުގައި އުޅޭ ސައީގެ ފޭނުން ވަނީ މި ފިލްމުގެ ވާހަކަ ސޯޝަލް މީޑިއާގައި ހިއްސާކޮށްފައެވެ. އެގޮތުން ބުނެފައިވަނީ މި ފިލްމު ނެރޭނެ ދުވަސް ހާމަކުރާނެ ދުވަހަކަށް ވަރަށް އިންތިޒާރު ކުރެވުނު ކަމަށާއި ނަމަވެސް މިހާރު މިފިލްމު ބަލާލުމުގެ ޝައުގު މާބޮޑުވެއްޖެ ކަަމަށެވެ. ސައި ޕައްލަވީ އަކީ އިންޑިއާ ސިނަމާގައި ގިނަ ދުވަހު މަސައްކަތް ކޮށްފައިވާ ކުޅަދާނަ ތަރިއެކެވެ. އޭނާ ވަނީ މީގެ ކުރިން ތަމަޅަ، ތެލަގޫ އަދި މަލަޔާލަމް ފިލްމުތަކުގައި މަސައްކަތް ކޮށްފައެވެ.
Happy
0 %
Sad
100 %
Excited
0 %
Sleepy
0 %
Angry
0 %
Surprise
0 %
0
0