Read Time:2 Minute, 36 Second
މެންޗެސްޓާ ސިޓީގެ ކެޕްޓަން ކައެލް ވޯކާ ބްރެންޓް ފޯޑަށް ބަދަލުވާން ހަމަޖެހެން ކައިރިވެއްޖެ އެވެ. ކުޅުންތެރިޔާ އާއި ކުލަބާ ދެމެދު މިހާރު ނުނިމި އޮތީ އަނގަބަހުން އެއްބަސްވެވުނު ކަންކަން ކަރުދާހަށް ބަދަލު ކުރުމެވެ. އޭނާ ބްރެންޓް ފޯޑަށް ބަދަލުވާނީ ފަސް މިލިއަން ޕައުންޑްގެ ފީ އަކަށެވެ. ނަމަވެސް ސިޓީގައި އޭނާ އަށް ދިން ހަފުތާއަކު 175000 ޕައުންޑްގެ ފީ ބްރެންޓް ފޯދަކުން ނުދޭނެ އެވެ. އޭނާ އަށް ދޭ ފީ ޔަގީންނުވި ނަމަވެސް މި ފީ އިތުރުވާނީ އޭނާ ދައްކާ ކުޅުމާއި ޓީމަށް ލިބޭ ކާމިޔާބީ އެއްގެ މައްޗަށެވެ.
ކައެލް ވޯކާ ހުސްވި ސީޒަނުގެ ފަހު ބައި ކުޅުނީ ލޯނު އުސޫލުން އިޓަލީގެ އޭސީ މިލާނަށެވެ. ނަމަވެސް އޭނާގެ ކޮންޓްރެކްޓް ދާއިމީ ކުރަން އެ ކުލަބުން ބޭނުމެއްނުވި އެވެ. އުމުރުން މިހާރު 35 އަހަރުގެ ކުޅުންތެރިޔާ ސިޓީ ދޫކޮށް އިޓަލީ އަށް ކުޅުން ބަދަލުކުރި މައިގަނޑު ސަބަބަކީ އޭނާގެ ދިރިއުޅުމުގައި ހުރި މައްސަލަތަކުން އެއް ފަރާތް ވުމަށެވެ. އޭނާ މަސައްކަތް ކުރަމުން ދަނީ ހަތަރު ކުދިންގެ މަންމަ އަނީ ކިލްނާއާއެކު ކޮށްފައިވާ ކައިވެނި ސަލާމަތް ކުރުމަށެވެ. ނަމަވެސް މި ކަމުގައި އޮތް ހުރަހަކީ ލައުރީން ގުޑްމަން ކިޔާ މޮޑެލްއަކާއެކު ވޯކާ އަށް ލިބުނު ދެ ކުދިންގެ މައްސަލަ އެވެ.
ވޯކާ ބަހައްޓަން ސިޓީން ވެސް މިހާރު ބޭނުމެއްނުވެ އެވެ. އެންމެ ބޮޑު ސަބަބަކީ އޭނާގެ އުމުރު މަތިވުމާއި ޓީމު ޒުވާން ކުރުމަށް ދޮށީ ކުޅުންތެރިން ދޫކުރަމުން ދިއުމެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0