Read Time:3 Minute, 23 Second
ބޮލީވުޑްގެ މަޝްހޫރު ތަރި، ސަލްމާން ހާން އޭނާގެ އާ ފިލްމު “ބަޓަލް އޮފް ގަލްވާން” ގެ ޕޯސްޓަރު ދައްކާލައިފިއެވެ. ހުކުރު ދުވަހުގެ ހެނދުނު ސަލްމާން ހާން ސަޕޯޓަރުން ސިއްސުވާލީ އޭނާގެ އާ ފިލްމު “ބަޓަލް އޮފް ގަލްވާން”ގެ ޕޯސްޓަރުންނެވެ. މި ފިލްމުން ދައްކުވާދެނީ 2020 ވަނަ އަަހަރު އިންޑިއާއާއި ޗައިނާގެ ސިފައިންގެ ދެމެދު ހިނގި ހަމަނުޖެހުމުގެ ވާހަކަތަކެވެ. ސަލްމާން ވަނީ އޭނާގެ އާ ފިލްމުގެ ޕޯސްޓަރު، އޭނާގެ އެކްސް އެކައުންޓުގައި ހިއްސާކޮށް، ފިލްމުގެ ކުރޫ މެންބަރުންނަށް އެ ޕޯސްޓަރުގެ ކެޕްޝަނުގައި ޓެގް ކޮށްފައެވެ.
“ކަނޑު ލޮނުގަނޑުގެ 15000 ފޫޓް މަތީގައި އިންޑިއާ ސިފައިން ހަނގުރާމަ ކުރީ، އެންމެ ވަޒަނެއް ވެސް ބޭނުން ނުކޮށް.” އެ ޕޯސްޓްގެ ކެޕްޝަނުގައި ލިޔެފައިވެއެވެ. މި ޕޯސްޓަރުން ފެނިގެންދަނީ ސަލްމާން ސިފައިންގެ ޔުނީފޯމެއް ލައިގެން ހުއްޓައެވެ. އޭނާގެ މޫނުމަތިން ހަރުކަށިކަން ފެންނަ އިރު އޭނާގެ މޫނު ވަނީ ލެއިން ތަތްތެޅިފައެވެ. މި ފިލްމަކީ މަޝްހޫރު ޑައިރެކްޓަރެއް ކަމަށްވާ އަޕޫރުވާ ލަކްހިއާ ޑައިރެކްޓް ކޮށްފައިވާ ފިލްމެކެވެ. މީގެއިތުރުން، މި ފިލްމު ޕްރޮޑިއުސްކޮށްފައި ވަނީ ސަލްމާން ހާން ފިލްމްސް އިންނެވެ. މި ފިލްމުގެ މިއުޒިކް ކޮމްޕޯސާއަކީ މަޝްހޫރު ހިމޭޝް ރެޝާމިއާއެވެ. މި ފިލްމުގެ ކާސްޓުންގެ ތެރޭގައި ގިނަ ބައެއްގެ މަގުބޫލުކަން ހޯދާފައިވާ ތަރިންކަމުގައިވާ ހާރްޝިލް ޝާހް، އަންކުރް ބާތިއާ އަދި ހީރާ ސީހަލް ހިމެނެއެވެ. މި ފިލްމުގެ ނެރޭ ތާރީހު އަދި ހާމަކޮށްފައިނުވެއެވެ.
ސަލްމާން ހާން އެންމެ ފަހުން ފެނިފައި ވަނީ ސިކަންދަރް ފިލްމުންނެވެ. މި ފިލްމަށް ގިނަ ބައެއްގެ ތަރުހީބު ވަނީ ލިބިފައެވެ. މިފަހަރުގެ ފިލްމަށް ވެސް ގިނަ ބައެއްގެ ތަރުހީބު ލިބޭނެ ކަމަށް ލަފާކުރެވެއެވެ. ސަބަބަކީ ފިލްމުގެ ޕޯސްޓަރު ނެރުމާ އެކު ގިނަ ސަޕޯޓަރުން ސަލްމާން ހާން އަށް ތައުރީފު ކުރަން ފަށާފައިވާތީއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0