Read Time:5 Minute, 4 Second
(ފޮޓޯ ކްރެޑިޓްސް: ސްޓެލްކޯ)
ސްޓެލްކޯގެ މުވައްޒަފުންނަކީ ކަންކަމަށް ގާބިލު އަދި ކުރިމަތިވާ ގޮންޖެހުންތަކުން އަރައިގަތުމުގެ ހާއްސަ ސިފައެއް ލިބިފައިވާ ބޭފުޅުން ކަމަށް ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ ވިދާޅުވެއްޖެއެވެ. ސްޓެލްކޯ އިންހައުސް ޓްރެއިނާސް ޕޫލް އިފްތިތާހުކުރުމަށް ބޭއްވި ހާއްސަ ރަސްމިއްޔާތުގައި ވާހަކަފުޅު ދައްކަމުން ގޮންޖެހުންތަކުން އަރައިގަތުމުގެ ސިފައަކީ ސްޓެލްކޯގެ މުވައްޒަފުންނަށް ލިބިގެންވާ ހާއްސަ ސިފައެއް ކަމުގައި ފަހުމީ ވިދާޅުވިއެވެ.
“އަޅުގަނޑުމެންގެ މުވައްޒަފުންނަށް ލިބިގެންވާ ހާއްސަ ސިފައެއް ގޮންޖެހުން އަރައިގަތުމުގެ ސިފަ. ގޮންޖެހުމަކާ ދިމާވީމާ އެ ގޮންޖެހުމަކުން އަރައިގަތުމުގެ ސިފަ. އެއީ ކަރަންޓު ކެނޑުން ކަމުގައިވިޔަސް އިންޖީނަށް ކަމެއް ދިމާވި ކަމުގައިވިޔަސް އަދި ފެނުގެ ކާރިސާ ހިނގި ކަމުގައި ވިޔަސް އަދި ގައުމަށް ނިކަމެތި ކަމެއް ދިމާވެ ބަޖެޓުގެ ތާށިކަމެއް ދިމާވެ ހަރަދު ކުޑަކުރަން ޖެހުނަސް. އެކަން މިއަދު ފެނިގެން މިދަނީ.” ފަހުމީ ވިދާޅުވިއެވެ.
ފަހުމީ ވިދާޅުވީ ސަރުކާރުގެ ހަރަދު ކުޑަކުރުމުގެ ސިޔާސަތުގެ ދަށުން ސްޓެލްކޯގެ މުވައްޒަފުން ކުރަމުންދާ މަސައްކަތް ހުއްޓާނުލާ ކަމަށެވެ. އަދި ސްޓެލްކޯއިން ރައްޔިތުންނަށް ދެމުންދާ ގައުމީ ހިދުމްތަ މެދުނުކެނޑި ދެވޭނީ މުވައްޒަފުން އެކަތިގަނޑަކަށް ހަދައި، ޓްރެއިންކޮށްގެން ކަމަށާއި މި ޓްރެއިން ޕްރޮގްރާމުގެ އެންމެ ބޮޑު މަގްސަދަކީ އެއީ ކަމަށް ފަހުމީ ވިދާޅުވިއެވެ.
(ފޮޓޯ ކްރެޑިޓްސް: ސްޓެލްކޯ)
އެހެންކަމުން ބަޖެޓު ތަންނުދިނަސް އިންހައުސްކޮށް ޕްރޮގްރާމް ފެށުމުން ހަރަދުކުޑަކޮށް މުވައްޒަފުންނަށް މާ ރަނގަޅު ތަމްރީނުތަކެއް ދެވޭނެ ކަމަށް އޭނާ ވަނީ ވިދާޅުވެފައެވެ.
“އެހެންވީމާ އަޅުގަނޑު މި ދެންނެވީ މިފަދަ ގޮންޖެހުމެއް ދިމާވީމާ ދެން އަޅުގަނޑުމެން މި ނިންމީ ގޮންޖެހުމުން އަރައިގަންނަން. އަރައިގަނެގެން އަޅުގަނޑުމެން އެއަށްވުރެ އެފީޝިއަންޓުކޮށް އެއަށްވުރެ ރަނގަޅަށް މިކަންތައް ކުރަން.” ފަހުމީ ވިދާޅުވިއެވެ.
ސްޓެލްކޯގެ މެނޭޖްމަންޓުން މިފަދަ ހަރުދަނާ ނިންމުމެއް ނިންމައި ތަންފީޒުކުރާތީ ފަހުމީ ވަނީ އެ ކުންފުނީގެ މެނޭޖްމަންޓަށާއި މުވައްޒަފުންނަށް ވެސް ޝުކުރު އަދާކޮށްފައެވެ.
(ފޮޓޯ ކްރެޑިޓްސް: ސްޓެލްކޯ)
ލިބިފައިވާ ތަޖުރިބާއަކީ ކުރިމަތިވާ ގޮންޖެހުންތަކުން އަރައިގަންނަން ލިބިފައިވާ އެއްޗެއްކަން ފާހަގަކުރައްވަމުން ފަހުމީ ވިދާޅުވީ ދިމާވާ ކޮންމެ ކަމަކުން ނުވަތަ ގޮންޖެހުމަކުން އަރައިގަތުމުގެ ގާބިލުކަން އެ ކުންފުނީގައި، މުވައްޒަފުންގެ އެބަހުރި ކަމަށެވެ. ސްޓެލްކޯ އިންހައުސް ޓްރެއިނާސް ޕޫލް މިއަދު އިފްތިތާހުކޮށް، 35 މުވައްޒަފަކަށް ސްޓެލްކޯގެ ސެޓިފައިޓްޑް ޓްރެއިނަރެއްގެ ލައިސަންސް ވަނީ ދީފައެވެ.
Happy
0 %
Sad
0 %
Excited
100 %
Sleepy
0 %
Angry
0 %
Surprise
0 %
0
0